ଗଞ୍ଜାମ ଜିଲ୍ଲା ବ୍ରହ୍ମପୁର ଏମକେସିଜି ମେଡିକାଲ କଲେଜ ଓ ହସପିଟାଲ ଭିତରେ ପଶିଲା ଡ୍ରେନପାଣି । ହସପିଟାଲ ୱାର୍ଡ ଭିତରେ ପଶିଯିବାରୁ ରୋଗୀମାନେ ଅସୁବିଧାର ସମ୍ମୁଖୀନ ହୋଇଛନ୍ତି । ସେହିପରି କାଳବୈଶାଖୀ ବର୍ଷା ହେବାରୁ ବ୍ରହ୍ମପୁର ସହରର ବିଭିନ୍ନ ସ୍ଥାନରେ ଗଛପଡି ରାସ୍ତା ଅବରୋଧ ହୋଇଛି । ବ୍ରହ୍ମପୁର ମହାନଗର ନିଗମ ୨୯ ନଂ ୱାର୍ଡ ହିଲପାଟଣା ମେଇନ୍ ରୋଡ ଗଣେଶ ମନ୍ଦିର ନିକଟରେ ବର୍ଷା ପବନରେ ନଡ଼ିଆ ଗଛପଡ଼ି ମୁଖ୍ୟ ରାସ୍ତା ଅବରୋଧ ହୋଇଛି । ବିଦ୍ୟୁତ ତାର ଉପରେ ଗଛ ପଡ଼ିବାରୁ ବିଦ୍ୟୁତ୍ ଖୁଣ୍ଟ ଗୋଟିଏ ପଟକୁ ଢ଼ଳିପଡ଼ିଥିବା ଦେଖିବାକୁ ମିଳିଛି ।.
