କୋଲକାତାକୁ ୮ ଓ୍ବିକେଟରେ ପରାସ୍ତ ମୁମ୍ବାଇ

ଏହି ମ୍ୟାଚରେ ମୁମ୍ବାଇ ଇଣ୍ଡିଆନ୍ସ ଟସ ଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଥିଲା । କୋଲକାତା ଦଳ ଆରମ୍ଭରୁ ହିଁ ଦୁଇଟି ଓ୍ବିକେଟ ହରାଇ ସଂକଟରେ ପଡ଼ିଯାଇଥିଲା ଓ ଶେଷ ପର୍ଯ୍ୟନ୍ତ ସେଥିରୁ ଉଧୁରି ପାରିନଥିଲା । ଦଳର ସ୍କୋର ମାତ୍ର ୨ ରନ ଥିବାବେଳେ ଦୁଇଜଣ ବ୍ୟାଟ୍ସମ୍ୟାନ କ୍ବିଣ୍ଟନ ଡିକକ୍ ଓ ସୁନୀଲ ନାରିନ ପାଭିଲିୟନ ଫେରିଥିଲେ । ଏହା ପରେ ବି ମଧ୍ୟକ୍ରମ ବ୍ୟାଟ୍ସମ୍ୟାନମାନେ ଅଧିକ ସମୟ ତିଷ୍ଠି ପାରିନଥିଲେ ଓ ଦଳ ନିୟମିତ ବ୍ୟବଧାନରେ ଓ୍ବିକେଟ ହରାଇଚାଲିଥିଲା । ଦଳ ପକ୍ଷରୁ ଅଗ୍ରିସ ରଘୁବଂଶୀ ୨୬ ରନ କରିଥିବାବେଳେ ରମଣଦୀପ ସିଂ ୨୨ ରନ କରିଥିଲେ । ସେହିପରି ମନୀଷ ପାଣ୍ଡେ ୧୯ ରନ ଓ ରିଙ୍କୁ ସିଂ ୧୭ ରନ କରିଥିଲେ ।