ସଂଚାର ବ୍ୟୁରୋ: ଲୋକସେବା ଭବନରେ ଆୟୋଜିତ ରାଜ୍ୟସ୍ତରୀୟ ସ୍ୱାୟତ୍ତ ଶାସନ ଦିବସରେ ମେୟରଙ୍କୁ ଅସମ୍ମାନ। ମେୟରଙ୍କୁ ଡାକି ଚେୟାର ନଦେବା ଘଟଣା ଦୁଃଖଦାୟକ କହିଛନ୍ତି ମେୟର ସୁଲୋଚନା ଦାସ। ପ୍ରତିକ୍ରିୟା ଦେଇ ସୁଲୋଚନା କହିଛନ୍ତି ସେମାନଙ୍କର ଲୋକ ପ୍ରତିନିଧି ଉପରେ ସମ୍ମାନ ନାହିଁ। ଆଜିର କାର୍ଯ୍ୟକ୍ରମକୁ ମେୟର ଓ କର୍ପୋରେଟର ମାନଙ୍କୁ ନିମନ୍ତ୍ରଣ କରାଯାଇ ଚେୟାର ପ୍ରଦାନ ନକରିବାକୁ ସମ୍ପୂର୍ଣ୍ଣ ନିନ୍ଦନୀୟ। ମେୟରଙ୍କୁ ସମ୍ମାନ ନ ଦେଇ ଅସମ୍ମାନ କରିଛନ୍ତି। ସ୍ୱାୟତ୍ତ ଶାସନ ଦିବସ କାର୍ଯ୍ୟକ୍ରମକୁ ଡାକି ଚେୟାର ନଦେବା ନିଶ୍ଚିନ୍ତ ପକ୍ଷେ ଦୁଃଖର କଥା। ଆଜି ଦିନରେ ମୁଖ୍ୟମନ୍ତ୍ରୀ ଅନେକ କାର୍ଯ୍ୟକ୍ରମର ଶିଳାନ୍ୟାସ କରିବାର ଥିଲା। ହେଲେ କାର୍ଯ୍ୟକ୍ରମକୁ ଡାକି ଅସମ୍ମାନ କରିବା ଦୁଃଖ ଓ ପରିତାପର ବିଷୟ ବୋଲି କହିଛନ୍ତି ସୁଲୋଚନା ଦାସ।
ବିଏମସି ମେୟରଙ୍କୁ ଅପମାନ ପ୍ରସଙ୍ଗରେ ପ୍ରତିକ୍ରିୟା ରଖିଛନ୍ତି ନଗର ଉନ୍ନୟନ ମନ୍ତ୍ରୀ । ଏହି କାର୍ଯ୍ୟକ୍ରମ ବିଭାଗୀୟ ଅଧିକାରୀମାନେ କରିଛନ୍ତି। ସମସ୍ତ ପୌର ପରିଷଦ ଓ ମହାନଗର ନିଗମରେ ସ୍ୱତନ୍ତ୍ର ଭାବରେ କାର୍ଯ୍ୟକ୍ରମ ପାଳନ ହେଉଛି । ବିଏମସିରେ ମଧ୍ୟ ଏହି କାର୍ଯ୍ୟକ୍ରମ ଆୟୋଜନ କରାଯାଇଛି। ତେବେ ଏହି ସମୟରେ ସେମାନେ କିପରି ରାଜ୍ୟସ୍ତରୀୟ ସ୍ୱାୟତ୍ତ ଶାସନ ଦିବସରେ ଉପସ୍ଥିତ ରହିପାରିବେ ବୋଲି କହିଛନ୍ତି ନଗର ଉନ୍ନୟନ ମନ୍ତ୍ରୀ କୃଷ୍ଣଚନ୍ଦ୍ର ମହାପାତ୍ର । ଆମେ ସବୁବେଳେ ନିରପେକ୍ଷ ଭାବରେ କାର୍ଯ୍ୟ କରୁଛୁ ବୋଲି କହିଛନ୍ତି ମନ୍ତ୍ରୀ ।
