ପୁରୀ : ବିଶ୍ବପ୍ରସିଦ୍ଧ ରଥଯାତ୍ରାକୁ ନେଇ ବିଭାଗୀୟ ଅଧିକାରୀମାନଙ୍କ ସହିତ ଶ୍ରୀମନ୍ଦିର କାର୍ଯ୍ୟାଳୟ ପରିସରରେ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି l ରଥ କାଠ, ବସୁଙ୍ଗା ପାଠ, ଚନ୍ଦନ ଏବଂ କତା ଦଉଡି କିଭଳି ଭାବେ ସଠିକ ଭାବେ ପ୍ରସ୍ତୁର୍ତ୍ତ କରାଯିବ ସେ ନେଇ ବିସ୍ତୃତ ଭାବେ କରାଯାଇଛି ଆଲୋଚନା l କତା ନିଗମ ରଥ ଦଉଡି ଦେବା ପାଇଁ ପ୍ରତିଶ୍ରୁତି ଦେଇଥିବାବେଳେ ବସୁଙ୍ଗା ପାଠ, ଚନ୍ଦନ ସବୁ ଶ୍ରୀମନ୍ଦିର ପ୍ରଶାସନ ପାଖେ ମହଜୁଦ ରହିଅଛି l
ରଥଯାତ୍ରା ପୂର୍ବରୁ ଠିକ ସମୟରେ ଆବଶ୍ୟକ ଅନୁଯାଇ ରଥ କାଠ ପହଂଚିବ l ଏ ନେଇ ବନ ବିଭାଗ ସହ କରାଯାଇଛି ଆଲୋଚନା ବୋଲି କହିଛନ୍ତି ଶ୍ରୀମନ୍ଦିର ମୁଖ୍ୟ ପ୍ରଶାସକ ଡ଼ଃ ଅରବିନ୍ଦ ପାଢ଼ୀ l ଶ୍ରୀରାମ ନବମୀରେ ରଥ କାଠ ଚିରଟ ହେବା ସହ ପବିତ୍ର ଅକ୍ଷୟ ତୃତୀୟା ତିଥିରେ ରଥ ନିର୍ମାଣ ଅନୁକୂଳ ହେବ । ଶ୍ରୀମନ୍ଦିର ପରିଚାଳନା କମିଟି ଗଠନ ହେବା ପରେ ଆଇନ ମନ୍ତ୍ରୀଙ୍କ ଅଧ୍ୟକ୍ଷତାରେ ରଥଯାତ୍ରା ସମନ୍ଵୟ ବୈଠକ ଅନୁଷ୍ଠିତ ହେବ ।
