ଅଫିସର ବେଶରେ ଆସି ଲୁଟି ନେଇଗଲେ ଲକ୍ଷାଧିକ ଟଙ୍କାର ସୁନା ଗହଣା । ଏଭଳି ଘଟଣା ଘଟିଛି ମୟୂରଭଞ୍ଜ ଜିଲ୍ଲା କପ୍ତିପଦା ଥାନା ତଳିଆ ଗ୍ରାମରେ । ଗ୍ରାମର ମିନତୀ ବେହେରାଙ୍କ ପରିବାର ଲୋକେ ଘରେ ଥିବା ବେଳେ ଦୁଇ ଜଣ ଲୁଟେରା ଅଫିସର ବେଶରେ ଆସି ଘରେ ପହଞ୍ଚିଥିଲେ । କମ୍ପାନୀରୁ ଆସିଛନ୍ତି କହି ଘରର ପିତ୍ତଳ ସାମଗ୍ରୀ ସଫା କରିଥିଲେ । ପରେ ସଫା କରିବା ପାଇଁ ରୂପା ଅଳଙ୍କାର ମାଗିଥିଲେ, ରୂପା ଅଳଙ୍କାର ସଫା କରି ଦେଖେଇବା ପରେ ପରିବାର ଲୋକଙ୍କ ବିଶ୍ୱାସ ଜିତିଥିଲେ । ତା ପରେ ସୁନାଗହଣା ସଫା କରିବାକୁ ମାଗିଥିଲେ । ମିନତୀ ପିନ୍ଧିଥିବା ୩ ଲକ୍ଷରୁ ଅଧିକ ଟଙ୍କାର ହାରକୁ ଲୁଟେରାମାନେ ତାଙ୍କ ବେକରୁ ଖୋଲି ସଫା କରିବା ପାଇଁ କିଛି ପାଉଡରରେ ରଖିଥିଲେ । ଏକ ଖୋଳରେ ପୁରାଇ ଗହଣାକୁ କିଛି ସମୟ ପରେ ଖୋଲିବାକୁ କହି ଚାଲିଯାଇଥିଲେ । ହେଲେ ପରିବାର ଲୋକେ ଖୋଳ ଖୋଲି ଦେଖିବାରୁ ସେଥିରେ ସୁନା ଚେନ ନଥିବା ଜାଣିବାକୁ ପାଇଥିଲେ । କପ୍ତିପଦା ପୋଲିସ ଘଟଣାର ତଦନ୍ତ ଆରମ୍ଭ କରିଛି।
