ମାଟ୍ରିକ ବିଜ୍ଞାନପ୍ରଶ୍ନପତ୍ରର ଫିଜିକାଲ ଏଜୁକେସନ ପ୍ରଶ୍ନପତ୍ରରେ ସାଂଘାତିକ ତ୍ରୁଟି। ୨୫ ମାର୍କ ପରୀକ୍ଷାରେ ଛାତ୍ରଛାତ୍ରୀଙ୍କୁ ମିଳିଥିଲା ୨୧ ମାର୍କର ପ୍ରଶ୍ନ। ସବଜେକଟିଭ ପ୍ରଶ୍ନରେ ୪ ମାର୍କର ପ୍ରଶ୍ନ ମୂଳରୁ ପ୍ରଶ୍ନପତ୍ରରେ ନାହିଁ। ଏକଥା ଖୋଦ୍ ଛାତ୍ରଛାତ୍ରୀ ଓ ଶିକ୍ଷକ କହୁଛନ୍ତି। ବୋର୍ଡ କର୍ତ୍ତୃପକ୍ଷ କହିଛନ୍ତି, ଏହା ମୁଦ୍ରଣଜନିତ ତ୍ରୁଟି। ରାଜ୍ୟର କିଛି ପରୀକ୍ଷା କେନ୍ଦ୍ରକୁ ଯାଇଥିବା ସବଜେକ୍ଟିଭ ସି-ସେଟ୍ ପ୍ରଶ୍ନ ପତ୍ରରେ ୪ ମାର୍କ ମିସ ପ୍ରିଣ୍ଟ ରହିଥିଲା। ମୂଲ୍ୟାୟନ ବେଳେ ଏହାକୁ ବୋର୍ଡ କମିଟି ନଜର ଦେବ। ଏହି ତ୍ରୁଟି ଦ୍ଵାରା ସେହି ସେଣ୍ଟର କୌଣସି ବିଦ୍ୟାର୍ଥୀଙ୍କ ଫଳ ପାଇବାରେ ଅସୁବିଧା ହେବନାହିଁ ବୋଲି ବୋର୍ଡ ଆଶ୍ବସ୍ତ କରିଛି । ୪ ମାର୍କ ଗ୍ରେସ ଦିଆଯିବ କି ନାହିଁ ସେ ନେଇ କଣ୍ଡକ୍ଟିଂ ବୋର୍ଡ ନିଷ୍ପତ୍ତି ନେବ । ହେଲେ ପ୍ରଶ୍ନପତ୍ର ଭାଇରାଲ ଖବରକୁ ଦୃଢ ଭାବେ ଖଣ୍ଡନ କରିଛନ୍ତି ବୋର୍ଡ ସଭାପତି ଶ୍ରୀକାନ୍ତ ତରାଇ । … ଏ ସଂପର୍କରେ କିଛି ପରୀକ୍ଷାର୍ଥୀଙ୍କ ସହିତ କଥା ହୋଇଛନ୍ତି, ଆମ ପ୍ରତିନିଧି ଦିପେଶ ମହାପାତ୍ର।
