ସଂଚାର ବ୍ୟୁରୋ: ବଡ଼ମ୍ବା ବ୍ଲକ ମାଣିଆବନ୍ଧ ସ୍ୱାସ୍ଥ୍ୟକେନ୍ଦ୍ରରେ ଡାକ୍ତରଙ୍କୁ ମାଡ ମାରିବା ଘଟଣାରେ ୩ ଜଣକୁ ଅଟକ ରଖିଛି ପୋଲିସ । ରବିବାର ଅପରାହ୍ନରେ ଡାକ୍ତର ଉଦୟ ଜ୍ୟୋତି ମଲ୍ଲିକ ସରକାରୀ ବାସଭବନରେ ଥିବା ବେଳେ ସ୍ଥାନୀୟ ମହୁଲିଆ ଅଞ୍ଚଳର ୨ ଜଣ ଯୁବକ ସନ୍ତୋଷ ସେଠୀ, ପ୍ରକାଶ ସେଠୀ ଏବଂ ଜୀବନ କୁମାର ଦାସ ଡାକ୍ତରଙ୍କୁ ବାସଭବନରୁ ଡାକି ଡାକ୍ତର ଖାନା ପରିସରରେ ପେଲା ଠେଲା କରିବା ସହ ମାଡ଼ ମାରିଥିଲେ । ଏନେଇ ମାଣିଆବନ୍ଧ ଥାନାରେ ଏକ ମାମଲା ରୁଜ୍ଜୁ ହୋଇଥିଲା । ଆଠଗଡ଼ ଉପଖଣ୍ଡ ପୋଲିସ ଅଧିକାରୀ ରବୀନ୍ଦ୍ର କୁମାର ମଲ୍ଲିକ ଘଟଣା ସ୍ଥଳରେ ପହଞ୍ଚି ତଦନ୍ତ କରିଥିଲେ । ମାମଲାରେ ୩ ଜଣ ଯୁବକଙ୍କୁ ଆଜି ଅଟକ ରଖିଛି ପୋଲିସ୍ ।
