ସଂଚାର ବ୍ୟୁରୋ: ମାଲକାନାଗିରି ପୋଲିସକୁ ମିଳିଛି ବଡ ସଫଳତା। ଓଡ଼ିଶା ରାଜ୍ୟ କମିଟିର ଧମତରୀ -ଗରିଆବନ୍ଧ-ନୂଆପଡା ଡିଭିଜନର ଅପରେସନରେ ମାଓବାଦୀଙ୍କ ଡମ୍ପ ଜବତ। ନଗଦ ୩୮ ଲକ୍ଷ ଟଙ୍କା ସହ ଭିନ୍ନ ଭିନ୍ନ ସ୍ଥାନରେ ପୋତା ହୋଇଥିବା ମାଓ ସାମଗ୍ରୀ ଜବତ କରାଯାଇଛି । ଗରିଆବନ୍ଧ – ଧମତରୀ ପୁଲିସ ଏବଂ ସିଆରପିଏଫ୍ ଯବାନଙ୍କ ମିଳିତ ଅପରେସନରେ ଜବତ ହୋଇଛି । ବେପାରି ଏବଂ ଅନ୍ୟ ପୁଞ୍ଜିପତିଙ୍କ ଠାରୁ ଅବୈଧ ଭାବେ ଚାନ୍ଦା ଆଦାୟ କରିଥିଲେ ମାଓବାଦୀ।ମାଓ ସାମଗ୍ରୀ ଏବଂ ନଗଦ ଟଙ୍କାକୁ ଗରିଆବନ୍ଧ – ଧମତରୀ ଅଞ୍ଚଳର ଭିନ୍ନ ଭିନ୍ନ ସ୍ଥାନରେ ପୋତିଥିଲେ। ୨୩ଟା ବିଜିଏଲ ରାଉଣ୍ଡ,୨ ଟିଫିନ୍ ବୋମା,୧୩ ଡେଟୋନେଟର,୧ ବଣ୍ଡଲ ଫ୍ୟୁଜ ତାର , ୨କେଜି ବାରୁଦ , ୟୁରିଆ ,୨ ଫ୍ଲାସ ଲାଇଟ୍ , ୩ ମଲ୍ଟି ମିଟର,ସେନ୍ସର ରିମୋଟ , ମାଓବାଦୀ ବର୍ଦି , କଳା କପଡା ଏବଂ ଦୈନନ୍ଦିନ ବ୍ୟବହାର ସାମଗ୍ରୀ ଜବତ ହୋଇଛି।
