ସଂଚାର ବ୍ୟୁରୋ: ବନ୍ଯା ଯୋଗୁ ମାଛକୁଣ୍ଡ ବିଦ୍ୟୁତ ପ୍ରକଳ୍ପରୁ ବିଦ୍ଯୁତ ଉତ୍ପାଦନ ବାଧାପ୍ରାପ୍ତ ହୋଇଛି । ବନ୍ଯାଜଳ ପ୍ରବେଶ ପରେ ପ୍ରକଳ୍ପର ଦୁଇ ଏବଂ ୫ ନମ୍ବର ୟୁନିଟକୁ ବନ୍ଦ କରିଦିଆଯାଇଛି । ଜଳଭଣ୍ଡାରକୁ ଅତ୍ଯଧିକ ଜଳ ପ୍ରବେଶ ଫଳରେ ଟରବାଇନ ସର୍ଟସର୍କିଟ ହେବା ଆଶଙ୍କା ରହିଛି । ଯନ୍ତ୍ରାଂଶ ଗୁଡ଼ିକ ମଧ୍ଯ ଜଳମଗ୍ନ ହୋଇଯାଇଛି । ପାଣି ପଶିଯିବା ଫଳରେ ଅନେକ ଯନ୍ତ୍ରାଂଶ ନଷ୍ଟ ହୋଇଥିବା ଆଶଙ୍କା କରାଯାଉଛି । ଏଣୁ କେବେ ୟୁନିଟ କାମ କରିବା ତାହା କହିହେବ ନାହିଁ ବୋଲି ପ୍ରକଳ୍ପ ଅଧିକାରୀ ସୂଚନା ଦେଇଛନ୍ତି l ପ୍ରକଳ୍ପ ବନ୍ଦ ହେବା ଯୋଗୁ ଘଣ୍ଟା ପ୍ରତି ୮୦ ମେଗାୱାଟ ବିଦ୍ୟୁତ ଉତ୍ପାଦନ ବନ୍ଦ ରହିଛି । ଡ୍ୟାମର ଜଳଧାରଣ କ୍ଷମତା ୨୭ଶହ ୫୦ ଫୁଟ ରହିଥିବା ବେଳେ ୫ଟି ଗେଟ ଦେଇ ୪୫ ହାଜର କ୍ୟୁସେକ ଜଳ ନିଷ୍କାସନ ହେଉଛି । ଏବେ ଜଳଭଣ୍ଡାରର ଜଳସ୍ତର ରହିଛି ୨୭ଶହ ୪୯ ଦଶମିକ ୬୯ ଫୁଟ ।
