ସଂଚାର ବ୍ୟୁରୋ: ଖୋର୍ଦ୍ଧା ମାଆ ଉଗ୍ରତାରା ଦେବୀଙ୍କ ଆଜି ହୁଣ୍ଡି ଖୋଲାଯାଇଛି । ମାଆଙ୍କ ଠାରୁ ଆଜ୍ଞାମାଳ ଆଣିବା ପରେ ରୀତି ନୀତି ଅନୁସାରେ ପୂଜାପାଠ କରାଯାଇଛି ହୁଣ୍ଡି ଖୋଲାଯାଇଥିଲା । ମନ୍ଦିର ପରିସରରେ ଥିବା ପ୍ରଶାସନିକ କାର୍ଯ୍ୟାଳୟରେ ଗଣତି ସମୟରେ ସିସିଟିଭି ବ୍ୟବସ୍ଥା କରାଯାଇଥିଲା । ଗଣତି ସମୟରେ ଟାଙ୍ଗୀ ତହସିଲଦାର ମିତାଲୀ ପାତ୍ର, ଅତିରିକ୍ତ ତହସିଲଦାର ସନାତନ ମଲ୍ଲିକ ଉପସ୍ଥିତ ଥିଲେ । ନୂଆଗଡ଼ ପଂଚାୟତର SHG ମହିଳା, ମନ୍ଦିର କର୍ମଚାରୀ କୁମର ପାତ୍ର, ସୁବ୍ରତ କୁମାର ସାମନ୍ତରାୟ। ସରପଞ୍ଚ କିଶୋର କୁମାର ରାଉତରାୟ, ସୁନିତା ହାଲଦାର, ଭୂଷଣ୍ଡପୁର ଫାଣ୍ଡି ଅଧିକାରୀ ପ୍ରମୁଖ ଉପସ୍ଥିତିରେ ଗଣତି ପରେ ହୁଣ୍ଡିରୁ ୮ ଲକ୍ଷ ୬୯ ହଜାର ୬୨୬ ଟଙ୍କା ବାହାରିଛି । ଏହାସହ ଗୋଟିଏ ରୁପା ମୁଦ୍ରା ମିଳିଛି । ହୁଣ୍ଡି ଟଙ୍କାକୁ ସିଙ୍ଗିପୁର ସ୍ଥିତ ବ୍ୟାଙ୍କ ଅଫ ଇଣ୍ଡିଆ ଶାଖାରେ ମନ୍ଦିରର ଜମା ଖାତାରେ ଜମା କରାଯିବ ।.
