ଆଜି ଆୟୋଜିତ ହେବ ଲକ୍ଷପତି ଦିଦି କର୍ମଶାଳା । ରାଜ୍ୟର ସମସ୍ତ ଜିଲ୍ଲାରେ ଏକ ଦିବସୀୟ କାର୍ଯ୍ୟକ୍ରମ ଅନୁଷ୍ଠିତ ହେବ । ଏନେଇ ବିଭାଗ ତରଫରୁ ସବୁ ଜିଲ୍ଲାପାଳଙ୍କୁ ନିର୍ଦ୍ଦେଶନାମା ଜାରି ହୋଇଛି । ଲକ୍ଷପତି ଦିଦି କାର୍ଯ୍ୟକ୍ରମକୁ ମିଶନ ମୋଡ଼ରେ ନେବା ପାଇଁ ଉପମୁଖ୍ୟମନ୍ତ୍ରୀ ପ୍ରଭାତୀ ପରିଡ଼ାଙ୍କ ନିର୍ଦ୍ଦେଶ । ମହିଳାମାନଙ୍କୁ ସଶକ୍ତ କରିବା ଏବଂ ଅର୍ଥନୈତିକ ବିକାଶକୁ ପ୍ରୋତ୍ସାହିତ କରିବା ପାଇଁ ଭାରତ ସରକାର ‘ଲକ୍ଷପତି ଦିଦି’ ପଦକ୍ଷେପ ଘୋଷଣା କରିଛନ୍ତି। ଯାହାର ଉଦ୍ଦେଶ୍ୟ ଦେଶବ୍ୟାପୀ ୨ କୋଟି ମହିଳାଙ୍କୁ ଦକ୍ଷତା ପ୍ରଶିକ୍ଷଣ ପ୍ରଦାନ କରିବା । ପୂର୍ବରୁ ସୀମିତ ସଂଖ୍ୟକ ରାଜ୍ୟରେ କାର୍ଯ୍ୟକାରୀ ହେଉଥିବା ଏହି କାର୍ଯ୍ୟକ୍ରମ ଏବେ ଏହାର ପରିସର ଓ ପ୍ରଭାବକୁ ଜାତୀୟ ସ୍ତରରେ ବିସ୍ତାର କରିବାକୁ ଚେଷ୍ଟା କରାଯାଇଛି।
ଲକ୍ଷପତି ଦିଦି ଯୋଜନାର ଉଦ୍ଦେଶ୍ୟ ରାଜ୍ୟର ୧ ଲକ୍ଷ ୨୫ ହଜାର ମହିଳାଙ୍କୁ ଆତ୍ମନିର୍ଭରଶୀଳ, ଆର୍ଥିକ ଭାବେ ସମୃଦ୍ଧ ଓ ଆତ୍ମନିର୍ଭରଶୀଳ କରିବା ପାଇଁ ସେମାନଙ୍କୁ ସ୍ୱୟଂ ସହାୟକ ସଂଗଠନ ସହ ଯୋଡ଼ିବା ଏହି ସରକାରୀ ପଦକ୍ଷେପର ଲକ୍ଷ୍ୟ। ଅଗଷ୍ଟ ୧୫, ୨୦୨୩ ତାରିଖରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏହି ଅଭିଯାନର ଶୁଭାରମ୍ଭ କରିଥିଲେ। ଏହି କାର୍ଯ୍ୟକ୍ରମ ମହିଳାଙ୍କ ସାମାଜିକ ଓ ଅର୍ଥନୈତିକ ସ୍ଥିତିରେ ଉନ୍ନତି ଆଣିବା ସହିତ ଗୋଷ୍ଠୀ ର ବିକାଶ ଏବଂ ପାରିବାରିକ ସ୍ଥିରତା ପାଇଁ ପ୍ରୟାସ କରିଥାଏ ।
