ସଂଚାର ବ୍ୟୁରାେ: କୋଲକାତା ଆରଜି କର ମେଡିକାଲରେ ଲଜ୍ଜା ଘଟଣାରେ ୧୨ ଘଣ୍ଟିଆ ବନ୍ଦ ଡାକରା ଦେଇଛି ବିଜେପି । ମଙ୍ଗଳବାର ଆନ୍ଦୋଳନକାରୀଙ୍କ ଉପରେ ଲାଠିମାଡ଼ ହୋଇଥିବାବେଳେ ଏହାର ପ୍ରତିବାଦରେ ଆଜି ବନ୍ଦ ପାଳନ କରାଯାଉଛି । ଏହି ବନ୍ଦ ପାଳନକୁ ଅନେକ ସଂଗଠନ ସମର୍ଥନ ଜଣାଇଛନ୍ତି । ସେପଟେ ବିଜେପିର ୧୨ ଘଣ୍ଟିଆ ହରତାଳରେ ସାମିଲ ନ ନେହେବାକୁ ଲୋକଙ୍କୁ ଅନୁରୋଧ କରିଛନ୍ତି ଟିଏମସି ସରକାର । ବନ୍ଦ ଡାକରା ସତ୍ତ୍ବେ ସ୍ୱାଭାବିକତା ବଜାୟ ରଖିବା ପାଇଁ ସମସ୍ତ ଆବଶ୍ୟକ ପଦକ୍ଷେପ ଗ୍ରହଣ କରିବ ବୋଲି ପ୍ରଶାସନ ନିଶ୍ଚିତ କରିଛି । ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ମୁଖ୍ୟ ପରାମର୍ଶଦାତା ଆଲପାନ୍ ବୃନ୍ଦୋପାଧ୍ୟାୟ କହିଛନ୍ତି ଯେ, ପରିବହନ ସେବା ଜାରି ରହିବ ଏବଂ ଦୋକାନ ଏବଂ ବ୍ୟବସାୟ ଖୋଲା ରହିବ ବୋଲି ଆଶା କରାଯାଉଛି । ଏଥିସହ ରାଜ୍ୟ ସରକାରୀ କର୍ମଚାରୀଙ୍କୁ କାମକୁ ଆସିବାକୁ ସେ ଅନୁରୋଧ କରିଛନ୍ତି।
ତେବେ ଚଳିତ ମାସ ଆରମ୍ଭରେ ଆର.ଜି କର ମେଡିକାଲ କଲେଜ ଏବଂ ହସ୍ପିଟାଲରେ ଜଣେ ମହିଳା ଡାକ୍ତରଙ୍କୁ ବଳାତ୍କାର ଓ ହତ୍ୟା ଅଭିଯୋଗରେ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ଇସ୍ତଫା ଦାବିରେ ବିକ୍ଷୋଭକାରୀ ମାନେ ବାରମ୍ବାର ଦାବି କରି ଆସୁଛନ୍ତି । ଏହାର ପ୍ରତିବାଦରେ ଆଜି (ମଙ୍ଗଳବାର) ବିକ୍ଷୋଭକାରୀ ମାନେ ବ୍ୟାପକ ବିକ୍ଷୋଭ ପ୍ରଦର୍ଶନ କରିଛନ୍ତି । ପୋଲିସ ଲାଠିଚାର୍ଜ, ଲୁହବୁହା ଗ୍ୟାସ ପ୍ରୟୋଗ ଏବଂ ପାଣିମାଡ କରି ଲୋକଙ୍କୁ ଅଟକାଇବାକୁ ଚେଷ୍ଟା କରିଥିଲା ।
ବିଜେପି ରାଜ୍ୟ ସଭାପତି ସୁକାନ୍ତ ମଜୁମଦାର କହିଛନ୍ତି ଯେ ଟିଏମସି ସରକାର ଛାତ୍ରଙ୍କ ଉପରେ ଅତ୍ୟାଚାର କରୁଛନ୍ତି ଏବଂ ବାମପନ୍ଥୀ ମାନେ ଏହି ପ୍ରତିବାଦରେ ଅଂଶଗ୍ରହଣ ନକରି ମୌନ ଭାବରେ ନିଜର ସମର୍ଥନ ଜଣାଇଛନ୍ତି । ମଜୁମଦାର ମଧ୍ୟ ଟିଏମସି କର୍ମୀଙ୍କୁ ମଙ୍ଗଳବାର ଦିନ ବିଶୃଙ୍ଖଳା ସୃଷ୍ଟି କରିବା ପାଇଁ ନବାନ୍ନ ରାଲି ବ୍ୟବହାର କରିଥିବା ଅଭିଯୋଗ କରିଛନ୍ତି । ବୁଧବାର ସକାଳ ୬ ଟାରୁ ସନ୍ଧ୍ୟା ୬ ଟା ପର୍ଯ୍ୟନ୍ତ ‘ବେଙ୍ଗଲ ବନ୍ଦ’ ପାଳନ କରିବାକୁ ସେ ଲୋକଙ୍କୁ ଅନୁରୋଧ କରିଛନ୍ତି।
ଏଥିସହ ସେ କହିଛନ୍ତି ଯେ ଆମେ ସାଧାରଣ ଧର୍ମଘଟ ଡାକିବାକୁ ବାଧ୍ୟ ହେଉଛୁ କାରଣ ମୃତ ଡାକ୍ତର ଭଉଣୀ ପାଇଁ ନ୍ୟାୟ ଦାବି କରୁଥିବା ଲୋକଙ୍କ ସ୍ୱରକୁ ଅଣଦେଖା କରାଯାଉଛି । ନ୍ୟାୟ ବଦଳରେ ମମତା ବାନାର୍ଜୀଙ୍କ ପୋଲିସ ରାଜ୍ୟର ଶାନ୍ତିପ୍ରେମୀ ଲୋକଙ୍କ ଉପରେ ଅତି ନିର୍ମମ ଭାବରେ ବ୍ୟବହାର କରୁଛି ।
