ସଂଚାର ବ୍ୟୁରୋ: ପାକିସ୍ତାନ କରାଚୀ ଅନ୍ତର୍ଗତ ମାଲିର ଜେଲରୁ ୨୧୬ କଏଦୀ ଫେରାର। ନିରାପତ୍ତା ଲାଗି କଏଦୀମାନଙ୍କୁ ସ୍ଥାନାନ୍ତର କରିବା ସମୟରେ କଏଦୀ ଫେରାର ହୋଇଛନ୍ତି। ଭୂକମ୍ପ ଯୋଗୁ କ୍ଷତିଗ୍ରସ୍ତ ହୋଇଥିଲା ମାଲିର ଜେଲ। ତେବେ ୭୮ ଜଣ କଏଦୀଙ୍କୁ ଧରାଯାଇଛି ବୋଲି କହିଛନ୍ତି ବରିଷ୍ଠ ପୋଲିସ ଅଧିକାରୀ ଖାସିଫ ଆବାସୀ। ନିରାପତ୍ତା କର୍ମୀଙ୍କ ଗୁଳିରେ ଜଣେ କଏଦୀ ପ୍ରାଣ ହରାଇଥିବାବେଳେ ୩ ଜଣ ନିରାପତ୍ତା କର୍ମୀ ଆହତ ହୋଇଛନ୍ତି। ଭୂକମ୍ପ କ୍ଷତିଗ୍ରସ୍ତ ଜେଲରୁ କଏଦୀଙ୍କୁ ସ୍ଥାନାନ୍ତର ବେଳେ କଏଦୀମାନେ ଖସିଯିବାକୁ ଚେଷ୍ଟା କରିଥିଲେ ବୋଲି କହିଛନ୍ତି ସିନ୍ଧ ଗୃହମନ୍ତ୍ରୀ ଜିଆ ଉଲ ହୁସେନ ଲଞ୍ଜର। ସୋମବାର ବିଳମ୍ବିତ ରାତିରେ ଘଟିଥିବା ହିଂସାରେ କଏଦୀମାନେ ଏପରିକି ବନ୍ଧୁକ ଧରି ନିରାପତ୍ତା କର୍ମୀଙ୍କ ଉପରକୁ ଗୁଳି ଚଳାଇଥିଲେ। କରାଚୀରେ ହୋଇଥିବା ଭୂକମ୍ପ ସମୟରେ ମାଲିର ଜେଲର କାନ୍ଥ ଫାଟି ଯାଇଥିଲା। ଫେରାର କଏଦୀମାନଙ୍କ ଲାଗି ସର୍ଚ୍ଚ ଅପରେସନ ଜାରି ରହିଛି।
