ସଂଚାର ବ୍ୟୁରୋ: କଙ୍କଡାହାଡ଼ ଥାନା ରୁପାବେଡା ଗାଁରେ ଯୁବକଙ୍କୁ ପଥରରେ ଛେଚି ହତ୍ୟା। ମୃତକ ହେଲେ ସେହି ଗାଁର ଗଗନ ନାଏକ । ପଥରଖାଦାନରେ ସେ ଶ୍ରମିକ ଭାବେ କାମ କରୁଥିଲେ । ଗତକାଲି ସଂନ୍ଧ୍ୟାରେ ଗଗନ କାମ ସାରି ସ୍ତ୍ରୀଙ୍କ ସହ କଙ୍କଡାହାଡ଼ରୁ ନିଜ ଗାଁକୁ ଫେରୁଥିଲେ। ଗାଁ ମୁଣ୍ଡ ପୋଲ ନିକଟରେ କିଛି ଦୁର୍ବୃତ୍ତ ତାଙ୍କୁ ଅଟକାଇ ଥିଲେ l ଅଟକାଇବାର କାରଣ ପଚାରିବାରୁ ଦୁର୍ବୃତ୍ତ ମାନେ ସ୍ତ୍ରୀ ସାମ୍ନାରେ ତାଙ୍କୁ ପଥରରେ ଛେଚି ହତ୍ୟା କରିଛନ୍ତି l ସ୍ତ୍ରୀ ଅଟକାଇବାରୁ ତାଙ୍କୁ ମଧ୍ୟ ଆକ୍ରମଣ କରି ଧକ୍କା ମାରିଥିଲେ। ଏ ସପଂର୍କରେ ପରିବାରକୁ ଜଣାଇବାରୁ ପରିବାର ଲୋକେ ଗଗନଙ୍କୁ ତୁରନ୍ତ କାମାକ୍ଷାନଗର ମେଡିକାଲରେ ଭର୍ତ୍ତି କରିଥିଲେ l ସେଠାରେ ଚିକିତ୍ସାଧୀନ ଅବସ୍ଥାରେ ଗଗନଙ୍କ ମୃତ୍ୟୁ ହୋଇଛି। ଏନେଇ ଥାନାରେ ହତ୍ୟା ଅଭିଯୋଗ କରିଛନ୍ତି ସ୍ତ୍ରୀ। ଅଭିଯୋଗ ଆଧାରରେ କଙ୍କଡାହାଡ଼ ପୋଲିସ ମେଡିକାଲରେ ପହଞ୍ଚି ମୃତଦେହ ଜବତ କରିବା ସହ ଅଧିକ ତଦନ୍ତ ଚଳାଇଛି।
