ସଂଚାର ବ୍ୟୁରୋ: କୈଳାସ ପର୍ବତ । ଉଚ୍ଚତା ଯେମିତି ବଡ଼, ଏହାର ଇତିହାସ ମଧ୍ୟ ବେଶ ରହସ୍ୟମୟ । ତେବେ ଆସନ୍ତା ଜୁନ୍ ୩୦ ତାରିଖରୁ କୈଳାସର ମାନସରୋବର ଯାତ୍ରା ଆରମ୍ଭ ହେବାକୁ ଯାଉଛି । ଦୀର୍ଘ ୫ ବର୍ଷ ପରେ ଏହି ଯାତ୍ରା ହେବାକୁ ଥିବାବେଳେ ଶ୍ରଦ୍ଧାଳୁଙ୍କ ସଂଖ୍ୟା ମଧ୍ୟ ବଢ଼ିବ । କରୋନା ସମୟରେ ଏହି ଯାତ୍ରା ଉପରେ ରୋକ ଲାଗିଥିଲା । ଏବେ ଏହି ଯାତ୍ରା ପୁଣିଥରେ ଆରମ୍ଭ ହେବାକୁ ଯାଉଛି । ତେବେ ଆପଣ ଜାଣିଛନ୍ତି କି, କେହି ମଧ୍ୟ ମାନସରୋବରକୁ ଚଢ଼ିପାରିନାହାନ୍ତି । ଜାଣନ୍ତୁ ଏହା ପଛରେ କରଣ ରହିଛି କାରଣ ?
ମାନସରୋବର ଯାତ୍ରା କେବଳ ହିନ୍ଦୁ ଧର୍ମର ଲୋକ ନୁହଁନ୍ତି ବରଂ ଶିଖ୍, ବୌଦ୍ଧ ଐବଂ ଜୈନ ଧର୍ମର ଲୋକେ ମଧ୍ୟ ଏହି ଯାତ୍ରାରେ ସାମିଲ ହୋଇଥାନ୍ତି । ଏଭରେଷ୍ଟ ପର୍ବତର ଉଚ୍ଚତା ୮ ହଜାର ୮୪୮ ରହିଥିବାବେଳେ କୈଳାସ ପର୍ବତର ଉଚ୍ଚତା ରହିଛି ୬ ହଜାର ୬୩୮ । ତେବେ ଲୋକମାନେ ଏଭରେଷ୍ଟ ଚଢ଼ିଥାନ୍ତି କିନ୍ତୁ କୈଳାସ ପର୍ବତର ଶିଖରକୁ କାହିଁକି ଚଢ଼ିପାରନ୍ତି ନାହିଁ । ଏଭରେଷ୍ଟ ଏଯାବତ ୭ ହଜାରରୁ ଅଧିକ ଲୋକ ଚଢ଼ିଥିବାବେଳେ କୈଳାସ ପର୍ବତକୁ ଜଣେ ମଧ୍ୟ ଚଢ଼ିପାରିନାହାନ୍ତି । ତେବେ ୧୯୨୬ ମସିହାରେ ବ୍ରିଟିସମାନେ ପ୍ରଥମେ ଚଢ଼ିବା ପାଇଁ ଚେଷ୍ଟା କରିଥିଲେ, ଆଉ ୨୦୦୧ ମସିହାରେ ଏକ ଜାପାନୀ ଦଳ ଚଢ଼ିବା ପାଇଁ ପ୍ରୟାସ କରିଥିଲେ । କିନ୍ତୁ ଉଭୟ ସଫଳ ହୋଇନାହାନ୍ତି ।ଖରାପ ପାଗ କାରଣରୁ ଚଢ଼ିବାରେ ବିଫଳ ହୋଇଥିବା କହିଥିଲେ ।
ତେବେ କୈଳାସ ପର୍ବତକୁ ଚଢ଼ିବା କାହିଁକି କଷ୍ଟସାଧ୍ୟ ? ଏହା ଉପରେ ଅନେକ ବୈଜ୍ଞାନିକ ଗବେଷଣା କରିଛନ୍ତି । କିନ୍ତୁ କୌଣସି ନିଷ୍କର୍ସ ବାହାରିନାହିଁ । ସମସ୍ତେ କହିଛନ୍ତି କି, ଏହାର ପର୍ବତ ଶିଖରୀକୁ ଚଢ଼ିବା କଷ୍ଟକର । ଯଦିଓ ବୈଜ୍ଞାନିକମାନେ ଏହା ଉପରେ ଗବେଷଣା କରିଛନ୍ତି କିନ୍ତୁ ଅନେକ ଲୋକ କୁହନ୍ତି କି, ଏଠାରେ ରହିଥିବା ଅଦୃଶ୍ୟ ଶକ୍ତି ଚଢ଼ିବା ପାଇଁ ଦିଏନାହିଁ । ତେବେ ସାରା ବିଶ୍ବର ଲୋକମାନେ ଏହି ପର୍ବତକୁ ପବିତ୍ରସ୍ଥଳ ଭାବେ ମାନିଥାନ୍ତି । ଯେଉଁ କାରଣରୁ ଏଠାକୁ ଚଢ଼ିବା ଉପରେ ପ୍ରତିବନ୍ଧକ ଲଗାଯାଇଛି । ୨୦୦୧ ମସିହା ପରଠାରୁ ଏହି ପର୍ବତକୁ ଚଢ଼ିବା ଉପରେ ମଧ୍ୟ ପ୍ରତିବନ୍ଧକ ଲଗାଯାଇଛି ।
