ମହାରାଷ୍ଟ୍ର ଏବଂ ଝାଡଖଣ୍ଡ ବିଧାନସଭା ନିର୍ବାଚନ ପାଇଁ ଶନିବାର ଭୋଟ୍ ଗଣତି ଆରମ୍ଭ ହୋଇଛି। ପ୍ରାରମ୍ଭିକ ଧାରା ଅନୁଯାୟୀ ମହାରାଷ୍ଟ୍ର ବିଧାନସଭାର ୨୮୮ ଏବଂ ଝାଡଖଣ୍ଡରେ ୮୧ ବିଧାନସଭା ଆସନ ପାଇଁ ବିଜେପି ନେତୃତ୍ବାଧୀନ ଏନଡିଏ ଏବଂ କଂଗ୍ରେସ ନେତୃତ୍ବାଧୀନ ଇଣ୍ଡିଆ ମେଣ୍ଟ ମଧ୍ୟରେ କଡ଼ା ଟକ୍କର ଜାରି ରହିଥିଲା।
ତେବେ ପରବର୍ତ୍ତୀ ସମୟରେ ଧାରାରେ ବଡ଼ ପରିବର୍ତ୍ତନ ଆସିଥିଲା। ମହାରାଷ୍ଟ୍ରରେ ଏନଡିଏ ସୁନାମି, ଝାଡଖଣ୍ଡରେ ଜେଏମ୍ଏମ୍ ଝଡ଼ ବହିବା ଆରମ୍ଭ କରିଛି।
ମହାରାଷ୍ଟ୍ରର ୨୨୦ଟି ଆସନରେ ବିଜେପି ନେତୃତ୍ବାଧୀନ ମହାୟୁତି ଆଗରେ ରହିଛି। ଅପରପକ୍ଷରେ କଂଗ୍ରେସ ସହଯୋଗୀ ଇଣ୍ଡିଆ ମେଣ୍ଟ ୫୫ଟି ଆସନରେ ଆଗରେ ରହିଛି। ମହାରାଷ୍ଟ୍ରରେ ମହାରାଷ୍ଟ୍ରରେ ବିଜେପି ରେକର୍ଡ ମୁହାଁ ହୋଇଛି।
ସେହିପରି ଝାଡ଼ଖଣ୍ଡରେ ପ୍ରାରମ୍ଭିକ ଧାରାର ଚିତ୍ର ବଦଳି ଯାଇଛି। ଜେଏମ୍ଏମ୍ ମିଳିତ ମଞ୍ଚ ପୁଣିଥରେ ସଂଖ୍ୟାଗରିଷ୍ଠତା ଅତିକ୍ରମ କରିଛି। ଜେଏମ୍ଏମ୍ ମିଳିତ ମଞ୍ଚ ପୁଣିଥରେ କ୍ଷମତାକୁ ଫେରୁଥିବା ଜଣାପଡିଛି। ୪୮ ଟି ଆସନରେ ଜେଏମଏମ ମିଳିତ ମଞ୍ଚ ଆଗରେ ରହିଛି। ଯେଉଁଠାରେ ୨୭ଟି ଆସନରେ ବିଜେପି ଆଗରେ ରହିଛି।
