ସଂଚାର ବ୍ୟୁରୋ: ସମଗ୍ର ଉତ୍ତର ପୂର୍ବାଞ୍ଚଳରେ ବନ୍ୟା ପରିସ୍ଥିତି ଗମ୍ଭୀର ରହିଛି । ମୃତ୍ୟୁ ସଂଖ୍ୟା ୪୬କୁ ବୃଦ୍ଧି ପାଇଛି । ଆସାମ, ସିକ୍କିମ, ମଣିପୁର, ଅରୁଣାଚଳ ପ୍ରଦେଶ ସମେତ ବିଭିନ୍ନ ରାଜ୍ୟରେ ତାଣ୍ଡବ ରଚିଛି ବନ୍ୟା । ଆସାମରେ ୧୯ ଜଣ, ଅରୁଣାଚଳ ପ୍ରଦେଶରେ ୧୨ ଜଣ, ମେଘାଳୟରେ ୬ ଜଣ, ମିଜୋରାମରେ ୫ ଜଣ, ତ୍ରିପୁରାରେ ୨ ଜଣଙ୍କ ମୃତ୍ୟୁ ଘଟିଛି । ବ୍ରହ୍ମପୁତ୍ର, ନିଆମାଟିଘାଟ, ତେଜପୁର ଏବଂ ଧ୍ରୁବିରେ ଜଳସ୍ତର ବିପଦ ସଂକେଦ ଟପିଛି । ମେଘାଳୟ, ତ୍ରିପୁରା, ମଣିପୁରର ସମସ୍ତ ଜିଲ୍ଲା ଓ ଅରୁଣାଞ୍ଚଳ ପ୍ରଦେଶ ଏବଂ ମିଜୋରାମର ଅନେକ ଅଞ୍ଚଳରେ ସ୍ଥିତି ଗମ୍ଭୀର ରହିଛି । ମଣିପୁରରେ ଏବେବି ସ୍ଥିତି ସଙ୍ଗୀନ ରହିଛି । ଜଳବନ୍ଦୀ ଅବସ୍ଥାରେ ରହିଛନ୍ତି ଲକ୍ଷ ଲକ୍ଷ ବିପନ୍ନ । ବନ୍ୟା ପ୍ରଭାବିତ ଅଞ୍ଚଳରେ ଜରୁରୀ କାଳୀନ ସାମଗ୍ରୀ ଯୋଗାଇ ଦିଆଯାଉଛି । ଗତ ମେ’ ୨୯ରୁ ଜାରି ରହିଥିବା ଜଳ ପ୍ରଳୟରେ ହଜାର ହଜାର ରାସ୍ତା ଧୋଇଯିବା ସହ ଲକ୍ଷାଧିକ ଘର ମାଟିରେ ମିଶିଛି। ଏନଡିଆରଏଫ, ଏସଡିଆରଏଫ ଓ ଅଗ୍ନିଶମ ବାହିନୀ ପକ୍ଷରୁ ସମସ୍ତ ରାଜ୍ୟରେ ଉଦ୍ଧାର କାର୍ଯ୍ୟ ଜାରି ରହିଛି।
