ମେଷ : ସାହାଯ୍ୟକାରୀ ମନୋଭାବ ଓ ସହୃଦୟତା ହେତୁ ଅଧସ୍ତନ କର୍ମଚାରୀଙ୍କ ଶ୍ରଦ୍ଧାଭାଜନ ହେବେ । ଘର ସକାଶେ, ଜମିଜମା ପାଇଁ କିମ୍ବା ଯାନ୍ତ୍ରିକ ଜିନିଷ କ୍ଷେତ୍ରରେ କିଛି ଅର୍ଥ ବ୍ୟୟ କରିବାକୁ ପଡ଼ିପାରେ । ମାଲିମକଦ୍ଦମା, ବିବାଦୀୟ ପରିସ୍ଥିତି କିମ୍ବା ପ୍ରତିଦ୍ୱନ୍ଦ୍ୱିତାରେ ସଫଳତା ପାଇପାରିବେ ।
ବୃଷ : ଆଜି ଅର୍ଥ, ସମ୍ମାନ ଓ ପ୍ରତିଷ୍ଠାର୍ଜନ ବଢିବ । ବିରୋଧ କରୁଥିବା ବ୍ୟକ୍ତି ନୀରବ ସମର୍ଥନ ଦେଇ କାମରେ ସାହାଯ୍ୟ କରିବେ । ବନ୍ଧୁଙ୍କ ପରାମର୍ଶରେ କର୍ମାରମ୍ଭ ସକାଶେ ପୁଞ୍ଜିବିନିଯୋଗ କରିପାରନ୍ତିି । କଳା, ସାହିତ୍ୟ, ସଙ୍ଗୀତ, ସଭାସମିତି ଓ ସଂଗଠନ କ୍ଷେତ୍ରରେ ପ୍ରଶଂସିତ ହେବେ ।
ମିଥୁନ : ଆଜି ଭ୍ରାତୃ ସମ୍ପର୍କ ଦୃଢ଼ ରହିବ । ପରିବାରରେ ଶାନ୍ତି ଅବ୍ୟାହତ ରହିବ । ସବୁ କଥାରେ ନରମିଗଲେ ସୁଫଳ ପାଇବେ । ପ୍ରକୃତ ଘଟଣା ନ ବୁଝି ପଡୋଶୀ କିମ୍ବା ସହକର୍ମୀ ମିଥ୍ୟାରୋପ ଲଗାଇ ପାରନ୍ତି । ବନ୍ଧୁ ପରିଜନଙ୍କ ସହିତ କୌଣସି ନୂତନ ସ୍ଥାନକୁ ଯିବା ପାଇଁ ସଜବାଜ ହୋଇପାରନ୍ତି ।
କର୍କଟ : ଆଜି ଯେଉଁ ନିଷ୍ପତ୍ତି ନେବେ ସେଥିରେ ସଫଳତା ନିଶ୍ଚିତ ମିଳିବ । କିନ୍ତୁ ପ୍ରତିଶ୍ରୁତି ଦେଇଥିବା ମିତ୍ରମାନେ ହଠାତ୍ ନିଜର ମତ ବଦଳାଇ ଅସହଯୋଗ କରିପାରନ୍ତି । ପୂର୍ବନିର୍ଦ୍ଧାରିତ ପ୍ରକାରେ ଘରେ ବନ୍ଧୁ ମିଳନ ସାଙ୍ଗକୁ ଆମୋଦ ପ୍ରମୋଦର ସୁଅ ଛୁଟିବ । କର୍ମ କ୍ଷେତ୍ରର ଅସ୍ବାଭାବିକ ପରିସ୍ଥିତି କ୍ରମଶଃ ବଦଳି ଯିବାର ସମ୍ଭାବନା ରହିଛି ।
ସିଂହ : ଭାଇ, ବନ୍ଧୁ କିମ୍ବା ପଡୋଶୀଙ୍କ ସହ ମତପାର୍ଥକ୍ୟ ହୋଇପାରେ । ନିଜ ଲୋକ ପଛରେ ବହୁତ କଥା କହୁଥିବା ଶୁଣି ଖରାପ ଲାଗିପାରେ । ଆଇନର ସହାୟତା ପାଇବେ ଓ ମାଲିମକଦ୍ଦମାରେ ରାୟ ସପକ୍ଷରେ ଯିବାର ସୂଚନା ରହିଛି । ବ୍ୟବସାୟିକ ସ୍ଥିତି, ଯାତ୍ରା, ପ୍ରଶାସନ ଓ ଆନୁଷ୍ଠାନିକ କାମ ପାଇଁ ଦିନଟି ଭଲ ।
କନ୍ୟା : ବନ୍ଧୁଙ୍କ ନିମନ୍ତ୍ରଣ କ୍ରମେ ଦୂରଯାତ୍ରା କରିପାରନ୍ତି । ଆପଣଙ୍କ ବିଜୟ ଲାଭ ଅବଶ୍ୟମ୍ଭାବୀ । ବ୍ୟବସାୟକୁ ଆଗକୁ ବଢ଼ାଇବା ପାଇଁ କୌଣସି ନୂତନ ପଦକ୍ଷେପ ଗ୍ରହଣ କରି କୃତକାର୍ଯ୍ୟ ହେବେ । ବାଣିଜ୍ୟ, ପରିବହନ, ହୋଟେଲ, ରେଷ୍ଟୁରାଣ୍ଟ ପ୍ରଭୃତିରୁ ଲାଭବାନ୍ ହୋଇପାରନ୍ତି ।
ତୁଳା : ବନ୍ଧୁମିଳନ ସାଙ୍ଗକୁ ଆପଣଙ୍କ ସୁଚିନ୍ତିତ ବିଚାର, ପ୍ରଶଂସା ଓ ପ୍ରତିଷ୍ଠା ଆଣିବାରେ ସହାୟକ ହେବ । ସମସ୍ୟା ରହିଲେ ମଧ୍ୟ ଦୁଃସ୍ଥିତି ସୁଧୁରି ଯିବ, ଯାହାର ଝଲକ ଆଜି ପାଇଯିବେ । କଳା, ସାହିତ୍ୟରେ ଓ ଅଭିନୟ କ୍ଷେତ୍ରରୁ ପ୍ରଶଂସା ପାଇବେ । ଯେଉଁ ବିବାଦ ଆଶଙ୍କା କରୁଛନ୍ତି ସେଥିରେ କିଛି ହେବ ନାହିଁ ।
ବିଛା : ଯାତ୍ରା, ବାଣିଜ୍ୟ, ବନ୍ଧୁଙ୍କ ସହଯୋଗ ଲାଭ ସହ କର୍ମକ୍ଷେତ୍ର ସନ୍ତୋଷଜନକ ରହିବ । ନୀରବତା ଅନ୍ତର୍ଦ୍ୱନ୍ଦ୍ୱର କାରଣ ହେଲେ ମଧ୍ୟ ସମସ୍ୟା ସମାଧାନର ମାଧ୍ୟମ ହେବ । ସମ୍ପର୍କୀୟଙ୍କ ସହ ତର୍କର ସମ୍ମୁଖୀନ ହୋଇପାରନ୍ତି । ପିଲାଙ୍କ ସ୍ବାସ୍ଥ୍ୟହାନି, ପାରିବାରିକ ଅସହଯୋଗରୁ ଚିନ୍ତିତ ହେବେ ।
ଧନୁ : କର୍ମକ୍ଷେତ୍ରରେ ଆପଣ ଯୁକ୍ତିଯୁକ୍ତ କଥା କହି, ଅର୍ଥ ଓ ସମ୍ମାନ ଲାଭ କରିବାରେ ସଫଳ ହେବେ । ବନ୍ଧୁଙ୍କ ସହ ଭାଙ୍ଗିପଡିଥିବା ସମ୍ପର୍କ ପୁନଃ ପ୍ରତିଷ୍ଠିତ ହେବାର ସମ୍ଭାବନା ରହିଛି । ପାରିବାରିକ କ୍ଷେତ୍ରରେ ଟେନସନ୍ କିିଛି ମାତ୍ରାରେ କମିଯିବ । କର୍ମକ୍ଷେତ୍ରରେ ଜଣେ ବନ୍ଧୁଙ୍କ ଉପସ୍ଥିତିକୁ କେନ୍ଦ୍ର କରି ଝଗଡା ଲାଗିପାରେ ।
ମକର : ସବୁ ସୁବିଧା ଥିଲେ ମଧ୍ୟ କୌଣସି ଜିନିଷ ହାତମୁଠାରୁ ଖସି ଯାଇପାରେ । ଆପଣଙ୍କ କୃତିତ୍ୱ ଲୋକ ପ୍ରିୟତାକୁ ବୃଦ୍ଧି କରିବା ଦିଗରୁ ଊଣା ହେବନାହିଁ । ନୂତନ କାମର ପରିକଳ୍ପନା ସାଙ୍ଗକୁ ଖର୍ଚ୍ଚଭାର ଯୋଗୁ ଚିନ୍ତା କରିପାରନ୍ତି । ଆନୁଷ୍ଠାନିକ କିମ୍ବା ସାମାଜିକ ସ୍ତରରେ ଜନମଙ୍ଗଳ କାର୍ଯ୍ୟରେ ନିଜକୁ ନିୟୋଜିତ କରିପାରନ୍ତି ।
କୁମ୍ଭ : ଯେମିତି ମନକୁ ଆସୁଛି ସେମିତି କରି ଚାଲନ୍ତୁ କିଛି ଅସୁବିଧା ହେବନାହିଁ । ସ୍ବାସ୍ଥ୍ୟ ସମସ୍ୟା ମନକୁ ଭାରାକ୍ରାନ୍ତ କଲେ ମଧ୍ୟ କୌଣସି କାମ ଅଟକିବ ନାହିଁ । ଆଜି ଆପଣଙ୍କ କଥା ଓ କାମରେ ସମସ୍ତଙ୍କୁ ଖୁସି କରାଇବାରେ ସମର୍ଥ ହେବେ । ଦିନ ଭିତରେ ଅର୍ଥଲାଭ, ସମ୍ମାନ, ବନ୍ଧୁତ୍ୱଲାଭ ହେବ ।
ମୀନ : ମନକଥା ମନରେ ରଖି ଉପରେ ହସିବାର ଅଭିନୟ କରିବାକୁ ପଡିପାରେ । ପିଲାମାନଙ୍କର କିଛି ସମସ୍ୟା ମନକୁ ବିଚଳିତ କରିବ । ଏଣେ ଅଫିସ୍ରେ ମଧ୍ୟ ହଠାତ୍ କୌଣସି ଘଟଣା ମନକୁ ବିବ୍ରତ କରିବାର ଆଶଙ୍କା ରହିଛି । ବନ୍ଧୁଙ୍କ ଉପରେ ବୃଥା ସନ୍ଦେହ କରିବା ଦ୍ୱାରା ସମାଲୋଚିତ ହୋଇପାରନ୍ତି ।
