ସଂଚାର ବ୍ୟୁରୋ: ସମ୍ବଲପୁରସ୍ଥିତ ନ୍ୟାସନାଲ ହାଇୱେ ସର୍କଲ ଅଧୀକ୍ଷଣ ଯନ୍ତ୍ରୀଙ୍କ ଅଫିସ ଆସବାବ ପତ୍ର ସିଲ୍ l ସିନିୟର ସିଭିଲ ଜଜ କୋର୍ଟଙ୍କ ନିର୍ଦ୍ଦେଶରେ ହୋଇଛି ସିଲ l ଓରିଏଣ୍ଟ କନଷ୍ଟ୍ରକସନ ପ୍ରାଇଭେଟ ଲିମିଟେଡର ବକେୟା ଟଂକା ନ ଦେବାରୁ ସିଲ୍ ହେଲା କାର୍ଯ୍ୟାଳୟ l ଗତ ୨୦୦୭ ଓ ୨୦୦୮ ମସିହାରେ କେଉଁଝର ଜାତୀୟ ରାଜପଥର କାର୍ଯ୍ୟ କରାଯାଇଥିଲା। ଏହି କାମର ବକେୟା ଟଙ୍କା ୭୪ ଲକ୍ଷ ବାକି ରହିଥିଲା l ତେବେ ମୂଳ ଟଙ୍କାକୁ ମିଶାଇ ବର୍ତ୍ତମାନ ପାଖାପାଖି ୧ କୋଟି ୪୨ ଲକ୍ଷ ଟଂକା ବକେୟା ଥିବା ସୂଚନା ମିଳିଛି। ୨୦୦୭-୨୦୦୮ରେ ୪୦୧ ରୁ ୪୧୨ କିଲୋମିଟର ଏନଏଚ ୬ କେନ୍ଦୁଝର ଡିଭିଜନର କାମ ହୋଇଥିଲା | ଏନେଇ ଠିକାଦାର ବାରମ୍ବାର ସମ୍ବଲପୁରସ୍ଥିତ କାର୍ଯ୍ୟାଳୟକୁ ଦୌଡ଼ି ଦୌଡ଼ି ନୟାନ୍ତ ହେଵା ପରେ ୨୦୧୪ ରେ ଏନେଇ କୋର୍ଟରେ କେସ କରିଥିଲେ l ଆଜି କୋର୍ଟଙ୍କ ନିର୍ଦ୍ଧେଶ କ୍ରମେ ନିର୍ବାହୀ ଯନ୍ତ୍ରୀଙ୍କ ଅଫିସ ଆସବାବ ପତ୍ର ସିଲ କରାଯାଇଛି l
