ସଂଚାର ବ୍ୟୁରୋ: ମାସେ ପରେ ପ୍ରଶାସନର ନିଦ ଭାଙ୍ଗିଲା । ଉଡ଼ିକି ନୁହେଁ କଣ୍ଟେନରରେ ମୁମ୍ବାଇ ଗଲା ହେଲିକପ୍ଟର। କେନ୍ଦ୍ରାପଡ଼ା ସ୍ୱୟଂଶାସିତ କଲେଜ ପଡ଼ିଆରେ ଯାନ୍ତ୍ରୀକ ତୃଟି କାରଣରୁ ଅଟକି ରହିଥିଲା ମୁଖ୍ୟମନ୍ତ୍ରୀଙ୍କ ହେଲିକପ୍ଟର । ୫ ଦିନ ତଳେ ଯାଞ୍ଚ ହୋଇଥିବା ବେଳେ, ଯାନ୍ତ୍ରୀକ ମରାମତି ପାଇଁ ହେଲିକପ୍ଟରକୁ ଆଜି ସନ୍ଧ୍ୟାରେ କଣ୍ଟେନରରେ ମୁମ୍ବାଇ ପଠାଯାଇଛି । ଗତ ଜୁନ୍ ୯ ତାରିଖରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ କେନ୍ଦ୍ରାପଡ଼ା ଗସ୍ତରେ ଯାଇଥିଲେ। ବଜ୍ରପାତ ଯୋଗୁଁ ତାଙ୍କ ହେଲିକପ୍ଟର ବ୍ଲେଡ୍ କ୍ଷତିଗ୍ରସ୍ତ ହେବା ପରେ ସେ ସଡ଼କ ପଥରେ ଫେରିଥିଲେ । ସେବେଠାରୁ କେନ୍ଦ୍ରାପଡ଼ା କଲେଜ ପଡିଆରେ ହେଲିକପ୍ଟରଟି ଅଟକି ରହିଥିଲା । ଯେଉଁଥି ପାଇଁ ଅଗଷ୍ଟ ୧୫ ପାଇଁ ଯେଉଁ ପରେଡ୍ ରିହର୍ସାଲ କରାଯାଏ, ତାହା କଲେଜ ପଡ଼ିଆରେ ହୋଇପାରିଲା ନାହିଁ । ଛାତ୍ରଛାତ୍ରୀମାନେ ମଧ୍ୟ ଖେଳି ପାରୁନଥିଲେ। ୧ ମାସ ୮ ଦିନ ପରେ ଆଜି ହେଲିକପ୍ଟରକୁ ମୁମ୍ବାଇ ପଠାଯାଇଛି।
