ବଲିଉଡ଼ର ହଟ୍ ଆଣ୍ଡ୍ ଗ୍ଲାମରସ ଡିଭା ମଲାଇକା ଅରୋରା। ତାଙ୍କ ବ୍ୟକ୍ତିଗତ ଜୀବନକୁ ନେଇ ପୁଣି ଥରେ ଚର୍ଚ୍ଚା ଜୋର ଧରିଛି। ଅର୍ଜୁନ କପୁରଙ୍କ ସହ ବ୍ରେକଅପ୍ ପରେ, ବର୍ତ୍ତମାନ ମଲାଇକା ହୀରା ବ୍ୟବସାୟୀ ହର୍ଷ ମେହେଟ୍ଟାଙ୍କୁ ଡେଟ୍ କରୁଥିବା ନେଇ ସବୁଆଡ଼େ ଚର୍ଚ୍ଚା ଚାଲିଛି। ବିଶେଷଜ୍ଞଙ୍କ ଅନୁଯାୟୀ, ହର୍ଷ ମଲାଇକାଙ୍କଠାରୁ ପ୍ରାୟ ୧୯ ବର୍ଷ ସାନ ଅଛନ୍ତି। ମାତ୍ର ଏହି ବୟସର ବ୍ୟବଧାନ ସେମାନଙ୍କ ପ୍ରେମ କାହାଣୀରେ ବାଧା ସାଜିନାହିଁ।
ଓନମ ପାର୍ଟିରେ ଏକାଠି
ନିକଟରେ ମଲାଇକା ତାଙ୍କ ମା’ଙ୍କ ଘରେ ନୂଆ ପ୍ରେମିକ ହର୍ଷଙ୍କ ସହ ମିଶି ‘ଓନମ୍’ ପର୍ବ ପାଳନ କରିଥିଲେ। ଯାହାର କିଛି ଭିଡିଓ ଏବଂ ଫଟୋ ସୋସିଆଲ ମିଡିଆରେ ଅତ୍ୟନ୍ତ ଭାଇରାଲ ହୋଇଥିଲା। ଏହାପରେ ଶନିବାର ଦିନ ପୁଣି ଥରେ ଉଭୟଙ୍କୁ ଏକାଠି ଏକ ପାର୍ଟିରେ ଦେଖିବାକୁ ମିଳିଥିଲା। ଅଗଷ୍ଟ ୨୯ ତାରିଖରେ ହର୍ଷଙ୍କୁ ମଲାଇକାଙ୍କ ରେଷ୍ଟୁରାଣ୍ଟ ବାହାରେ କ୍ୟାମେରା କଏଦ କରାଯାଇଥିଲା।
ବ୍ଲୁ ଜିନ୍ସ ଏବଂ ଧଳା ଟପ୍ ପିନ୍ଧି ଅତି ମନୋହର ଅନ୍ଦାଜରେ ରେଷ୍ଟୁରାଣ୍ଟରେ ପ୍ରବେଶ କରିଥିବା ମଲାଇକାଙ୍କ ମୁହଁର ଖୁସି ସ୍ପଷ୍ଟ ଭାବେ ବୟାନ କରୁଥିଲା ଯେ, ସେ ତାଙ୍କ ୱିକେଣ୍ଡକୁ ଭରପୂର ଉପଭୋଗ କରୁଛନ୍ତି। ଏହି ସମୟରେ ମଲାଇକାଙ୍କ ପୁଅ ଅରହାନ୍ ଖାନ ମଧ୍ୟ ନିଜ ବନ୍ଧୁମାନଙ୍କ ସହ ସେହି ରେଷ୍ଟୁରାଣ୍ଟରେ ପହଞ୍ଚିଥିଲେ। ପାର୍ଟିରେ ପୁଅ ଅରହାନଙ୍କ ଏଭଳି ଉପସ୍ଥିତି ସ୍ପଷ୍ଟ ସୂଚାଉଛି ଯେ ମା’ଙ୍କର ଏହି ନୂତନ ସମ୍ପର୍କକୁ ନେଇ ପରିବାରର କୌଣସି ସମସ୍ୟା ନାହିଁ। ଅନ୍ୟପକ୍ଷରେ, ସବୁଦିନ ଭଳି ଯେତେବେଳେ ପାପାରାଜିମାନେ ହର୍ଷ ମେହେଟ୍ଟାଙ୍କୁ କ୍ୟାମେରାରେ କଏଦ କରିବାକୁ ଚେଷ୍ଟା କରିଥିଲେ।
