ଭୁବନେଶ୍ୱର: ଅଟଲା ବଜାରରେ ଏକ ଗ୍ୟାସ ଦୋକାନ ସାମ୍ନାରୁ ଜଣେ ଯୁବକଙ୍କ ଝୁଲନ୍ତା ମୃତଦେହ ଉଦ୍ଧାର ହୋଇଛି । ମୃତକ ଭଦ୍ରକ ଜିଲ୍ଲାର ଚିଣ୍ଟୁ ବୋଲି ଜଣାପଡ଼ିଛି । ସେ ଉକ୍ତ ଗ୍ୟାସ୍ ଦୋକାନରେ କାମ କରୁଥିଲେ । ମୃତଦେହଟିକୁ ଧଉଳି ଥାନା ପୋଲିସ ଉଦ୍ଧାର କରିଛି । ଘଟଣାସ୍ଥଳରେ ଥିବା ସିସିଟିଭି ଯାଞ୍ଚ କରି ଗ୍ୟାସ ଦୋକାନ ମାଲିକକୁ ଅଟକ ରଖି ପଚରା ଉଚରା କରୁଛି ପୋଲିସ । ଭୁବନେଶ୍ୱରର ଧଉଳି ଅଞ୍ଚଳରେ ଏଭଳି ଘଟଣା ଘଟିଥିବାର ଖବର ସାମ୍ନାକୁ ଆସିଛି ।
ସୂଚନା ମୁତାବକ, ଭୁବନେଶ୍ୱରର ଧଉଳି ଅଞ୍ଚଳର ଏକ ଗ୍ୟାସ୍ ଦୋକାନ ସାମ୍ନାରେ ଯୁବକଙ୍କ ଝୁଲନ୍ତା ମୃତଦେହ ଦେଖିବାକୁ ପାଇଥିଲେ ସ୍ଥାନୀୟଲୋକେ । ଏହା ଦେଖି ତୁରନ୍ତ ପୋଲିସକୁ ଖବର ଦେଇଥିଲେ । ଖବର ପାଇ ଘଟଣା ସ୍ଥଳରେ ପହଞ୍ଚି ଯୁବକଙ୍କ ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇଛି ଧଉଳି ପୋଲିସ । ଏହା ସହ ପାଖରେ ଲାଗିଥିବା ସିସିଟିଭିକୁ ଯାଞ୍ଚ କରି ଗ୍ୟାସ ଦୋକାନ ମାଲିକକୁ ଅଟକ ରଖି ପଚରା ଉଚରା କରୁଛି ପୋଲିସ ।
