ନନ୍ଦିଘୋଷ ବ୍ୟୁରୋ: ବସରେ ପ୍ରସବ କଲେ ମହିଳା। ବସରେ ଯାତ୍ରା କରୁଥିବା ଡାକ୍ତରଙ୍କ ସହାୟତାରେ ମହିଳା ଜଣକ ପ୍ରସବ କଲେ। ରାୟଗଡ଼ା ଜିଲ୍ଲା ଗୁଣପୁର ଉପଖଣ୍ଡ ମେଡିକାଲ ଅଂଚଳର ଏ ଘଟଣା। ଗର୍ଭବତୀ ମହିଳା ଜଣକ ବସରେ ଯାତ୍ରା କରୁଥିଲେ। ଏହି ସମୟରେ ମହିଳାଙ୍କ ପ୍ରସବ ବେଦନା ହେବାରୁ ବସରେ ଥିବା ଡାକ୍ତର ରେଗେଡା ନିକଟରେ ଗର୍ଭବତୀଙ୍କ ପ୍ରସବ କରାଇଥିଲେ। ମହିଳା ଜଣକ ଜଣେ କନ୍ଯାକୁ ଜନ୍ମ ଦେଇଛନ୍ତି। ଏହାପରେ ସେହି ବସରେ ମାଓ ଛୁଆକୁ ଗୁଣପୁର ମେଡିକାଲ ନିଆଯାଇଥିଲା। ଛୁଆ ଓ ମାକୁ ମେଡିକାଲରେ ଛାଡିବା ପରେ ଗନ୍ତବ୍ୟସ୍ଥଳ ପାପାଡ଼ାହାଣ୍ଡ ଅଭିମୁଖେ ଯାତ୍ରା କରିଥିଲା ବସ। ଉଭୟ ମା ଓ ଛୁଆ ସୁସ୍ଥ ରହିଥିବା ଗୁଣୁପୁର ମେଡିକାଲ ସୁପରିଟେଣ୍ଡେଣ୍ଟ ରମେଶ ସାହୁ କହିଛନ୍ତି। ପ୍ରସବ କରିଥିବା ମହିଳାଙ୍କ ଘର ପାରଳାଖେମୁଣ୍ଡି। ବସଟି ପାରଳାଖେମୁଣ୍ଡିରୁ ପାପାଡ଼ାହାଣ୍ଡି ଯାଉଥିଲା।
