ସଂଚାର ବ୍ୟୁରୋ: ପ୍ରଥମଥର ପାଇଁ ପୁରୀ ଜିଲ୍ଲାରେ ଉଭୟ ରାଜ୍ୟ ଓ କେନ୍ଦ୍ର ସରକାରଙ୍କ ଯୋଜନାର ସମୀକ୍ଷା କଲେ ରାଜ୍ୟପାଳ l କେନ୍ଦ୍ର ସରକାରଙ୍କ ସାମାଜିକ ସୁରକ୍ଷା ଯୋଜନା କିପରି ଲୋକଙ୍କ ନିକଟରେ ପହଞ୍ଚିପାରିବ ସେ ନେଇ ଜଲ୍ଲାପାଳଙ୍କ ସହ ଆଲୋଚନା କରିଛନ୍ତି ରାଜ୍ୟପାଳ କେ. ହରିବାବୁ କମ୍ଭମପାଟି l ଅନ୍ୟପଟେ କେନ୍ଦ୍ରୀୟ ମୁଦ୍ରା ଯୋଜନାରେ ବିଭିନ୍ନ ବ୍ୟାଙ୍କ ଋଣ ପ୍ରଦାନ କରୁଛନ୍ତି କି ନାହିଁ ସେ ନେଇ ମଧ୍ୟ ବିଭିନ୍ନ ବ୍ୟାଙ୍କ ଅଧିକାରୀମାନଙ୍କ ସହ ଆଲୋଚନା କରାଯାଇଛି l ସରକାରଙ୍କ ଯୋଜନା କିପରି ବାଟବଣା ନହୋଇ ଯୋଗ୍ୟ ହିତାଧିକାରୀଙ୍କ ନିକଟରେ ପହଁଚିବ ସେ ନେଇ ଜିଲ୍ଲପାଳଙ୍କୁ ନିର୍ଦ୍ଦେଶ ଦେଇଛନ୍ତି । ବିଶେଷ କରି ଟିପିସିଓଡିଏଲ୍ ପକ୍ଷରୁ ମନ ଇଛା ସ୍ମାର୍ଟ ମିଟର ଲଗାଇବା, ଉପଭୋକ୍ତାଙ୍କ ବିଦ୍ୟୁତ୍ ସଂଯୋଗ ବିଚ୍ଛିନ୍ନ କରିବା, କମ୍ ବିଦ୍ୟୁତ୍ ବ୍ୟବହାର କରି ଅଧିକ ବିଲ୍ ଆସିବା ସମ୍ପର୍କରେ ପୁରୀ ଜିଲ୍ଲାର ବିଧାୟକମାନେ ରାଜ୍ୟପାଳଙ୍କ ଦୃଷ୍ଟି ଆକର୍ଷଣ କରିଥିଲେ । ରାଜ୍ୟପାଳ ଉପସ୍ଥିତ ଟିପିସିଓଡିଏଲ୍ ଅଧିକାରୀଙ୍କୁ ତାଗିଦ୍ କରିବା ସହ ତୁରନ୍ତ ଏହା ଉପରେ ପଦକ୍ଷେପ ନେବାକୁ ନିର୍ଦ୍ଦେଶ ଦିଆଯାଇଛି । ସେହିପରି ଇ-ଭେଇକିଲ ବ୍ୟବହାର ଓ ସୋଲାର ସିଷ୍ଟମର ଅଧିକରୁ ଅଧିକ ବ୍ୟବହାର ଦ୍ବାରା ସବୁଜ ବିପ୍ଳବ ଆସିପାରିବ ବୋଲି ବୁଝାଇଥିଲେ ଜିଲ୍ଲାପାଳ ।
