ସଂଚାର ବ୍ୟୁରୋ: ଘଷିପୁରା ଥାନା ବରିପାଳ ପଞ୍ଚାୟତ ଚମ୍ପେଇଡାହି ଗାଁ ନିକଟ ଜଙ୍ଗଲରୁ ଜଣେ ମହିଳାଙ୍କ ଦରପୋଡ଼ା ମୃତଦେହ ଉଦ୍ଧାର । ମୃତ ମହିଳା ଜଣଙ୍କ ପରିଚୟ ମିଳିପାରି ନାହିଁ । ମହିଳାଙ୍କୁ ହତ୍ଯା ପରେ ପୋଡ଼ି ଦେବାକୁ ଉଦ୍ୟମ କରିଥିବା ସନ୍ଦେହ କରାଯାଉଛି । ଆଜି ସକାଳୁ ଜଙ୍ଗଲକୁ ଯାଇଥିବା କିଛି ଲୋକ ମୃତଦେହ ଦେଖି ପ୍ରଥମେ ସରପଞ୍ଚଙ୍କୁ ଜଣାଇଥିଲେ । ସରପଞ୍ଚ ଘଷିପୁରା ପୋଲିସକୁ ଖବର ଦେଇଥିଲେ । ଆନନ୍ଦପୁର ଏସଡିପିଓଙ୍କ ନେତୃତ୍ବରେ ଘଷିପୁରା ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି । ମୃତଦେହରୁ ଦୃର୍ଗନ୍ଧ ବାହାରୁଥିବା ବେଳେ ପୋକ ସାଲୁବାଲୁ ହେଉଥିବାରୁ ପ୍ରାୟ ୨-୩ ଦିନ ତଳୁ ମହିଳାଙ୍କ ମୃତ୍ୟୁ ହୋଇଥିବା ଜଣାପଡ଼ିଛି । ତେବେ ମହିଳା ଜଣଙ୍କ କିଏ ଓ କେଉଁ କାରଣରୁ ତାଙ୍କର ଏଭଳି ପରିସ୍ଥିତି ହେଲା ତାହା ବର୍ତ୍ତମାନ ସୁଦ୍ଧା ପ୍ରକୃତ କାରଣ ଜଣାପଡ଼ିନାହିଁ । ଘସିପୁରା ପୋଲିସ ମୃତଦେହକୁ ବ୍ନିୟବଚ୍କଛେଦ ପାଇଁ ପଠାଇ ନିକଟସ୍ଥ ସମସ୍ଥ ଥାନାର ସହଯୋଗରେ ତଦନ୍ତ ଚଳାଇଛି ।
