ଚେନ୍ନାଇର ଏକ ଐତିହାସିକ ଯୁଗର ଅନ୍ତ । ଚେନ୍ନାଇ ସହିତ ୧୮ ବର୍ଷର ସଂପର୍କ ତୁଟାଇଲେ ମୁଖ୍ୟକୋଚ୍ ଷ୍ଟିଫନ ଫ୍ଲେମିଂ । ଷ୍ଟିଫନ ଫ୍ଲେମିଂ ନିଜ ସହମତିରେ ଚେନ୍ନାଇ ଠାରୁଅଲଗା ହେବାକୁ ନିଷ୍ପତ୍ତି ନେଇଛନ୍ତି । ଫ୍ରାଞ୍ଚାଇକ ମୁତାବକ ଫ୍ଲେମିଂ ଏବଂ ସିଏସକେ ମ୍ୟାନେଜମେଣ୍ଟ ଭିତରେ ହୋଇଥିବା ଆପୋଷ ବୁଝାମଣା ପରେ ଏଭଳି ନିଷ୍ପତ୍ତି ନେଇଛନ୍ତି ।
ନ୍ୟୁଜିଲାଣ୍ଡ ପୂର୍ବତନ ଅଧିନାୟକ ଷ୍ଟିଫନ ଫ୍ଲେମିଂ ୨୦୦୮ରେ ଆଇପିଏଲ ଡେବ୍ୟୁ ସିଜିନରେ ଖେଳାଳି ଭାବେ ଚେନ୍ନାଇ ସୁପରକିଙ୍ଗସ ସହିତ ଜଡିତ ହୋଇଥିଲେ । ଏହାପରେ ୨୦୦୯ରେ ତାଙ୍କୁ ଟିମର ହେଡ କୋଚ ଭାବେ ଦାୟିତ୍ବ ମିଳିଥିଲା । ୨୦୦୯ରୁ ଆରମ୍ଭ କରି ୨୦୨୬ ଯାଏଁ, ଫ୍ଲେମିଂ ଟିମ୍ ଇଣ୍ଡିଆର ପୂର୍ବତନ ଅଧିନାୟକ ଏମଏସ ଧୋନିଙ୍କ ସହିତ ଟିମକୁ ମଜବୁତ କରିଥିଲେ । ଫଳରେ ଆଇପିଏଲରେ ଟିମ୍ ଇତିହାସ ରଚିଥିଲା ।
ଫ୍ଲେମିଂଙ୍କ ସମୟରେ ୧୮ ବର୍ଷ ମଧ୍ୟରେ ଚେନ୍ନାଇ ସୁପର କିଙ୍ଗସ ଭଲ ପ୍ରଦର୍ଶନ କରିଥିଲା । ଫ୍ଲେିମଂ ହେଡକୋଚ ହୋଇ ଚେନ୍ନାଇ ସୁପରକିଙ୍ଗସକୁ ୫ ଥର ଟାଇଟଲ ଜିତାଇଥିଲେ । ଏହାସହିତ ୨ ଥର ଚାମ୍ପିଅନ୍ସ ଲିଗ ଟି୨୦ ଟ୍ରଫି ଅକ୍ତିଆର କରିଥିଲା । ତାଙ୍କ ଦେଖାରେଖାରେ ସିଏସକେ ରେକର୍ଡ ୧୨ ପ୍ଲେଅଫରେ ସ୍ଥାନ ପାଇଥିଲା । ଏହାହସହିତ ଚେନ୍ନାଇ ଟିମ୍ ଫ୍ଲେିମଂଙ୍କ କାର୍ଯ୍ୟକାଳରେ ରେକର୍ଡ ୧୦ ଥର ଆଇପିଏଲ ଫାଇନାଲରେ ପ୍ରବେଶ କରିଥିଲେ ।
ଚଳିତବର୍ଷ ୨୦୨୬ରେ ଏମଏଲସି ସିଜନରେ ଟେକ୍ସସ ସୁପରକିଙ୍ଗସ ଟିମ୍ ସବୁଠାରୁ ତଳେ ରହିଥିଲା । ଟିମ୍ ପ୍ଲେ ଅଫରେ ସ୍ଥାନ ପାଇନଥିଲା । ତେଣୁ ଫ୍ଲେମିଂ ନିଜ କ୍ୟାରିଅରର ଶେଷ ଆଇପିଏଲ ବୋଲି ପ୍ରମାଣିତ ହୋଇଛି ।
