ତୋଷାଳୀ ଭବନରେ ନିଆଁ । ଲୋକାୟୁକ୍ତଙ୍କ ଅଫିସରେ ଲାଗିଲା ନିଆଁ । ନିଆଁ ଲାଗିବାର କାରଣ ଅସ୍ପଷ୍ଟ ରହିଛି । ତୋଷାଳୀ ଭବନରେ ଅଗ୍ନିକାଣ୍ଡ । ଭୁବନେଶ୍ବର ସତ୍ୟନଗର ସ୍ଥିତ ତୋଷାଳି ଭବନରେ ନିଆଁ ଲାଗିଛି । ଳୋକାୟୁକ୍ତଙ୍କ କାର୍ଯ୍ୟାଳୟ ରେକଡରୁମ ୩ରେ ନିଆଁ ଲାଗିଥିବା ସୂଚନା ।
ଘଟଣାସ୍ଥଳରେ ଅଗ୍ନିଶମ ବିଭାଗର ଟିମ୍ ପହଞ୍ଚି ନିଆଁକୁ ଆୟତ୍ତ କରିଛି । ସରକାରୀ ଗୁରୁତ୍ୱପୂର୍ଣ୍ଣ ଫାଇଲ୍ ପୋଡିଯାଇଥିବା ଆଶଙ୍କା କରାଯାଉଛି । ତେବେ ନିଆଁ କେମିତି ଲାଗିଲା ତାହା କିଛି ଜଣାପଡ଼ିନାହିଁ ।
ସେପଟେ ସୋମବାର ରାତି ପ୍ରାୟ ସାଢ଼େ ୧୦ଟାରେ ଅଗ୍ନିଶମ ବାହିନୀ ପହଞ୍ଚିବା ବେଳକୁ ହୁତୁହୁତୁ ହୋଇ ଜଳୁଥିଲା ଲିଙ୍ଗିପୁର ସୁପରମାର୍ଟରେ ଥିବା ସୁବାସ ଚନ୍ଦ୍ର ଜଗତିଙ୍କ ଗୋଦାମ ଘର । ପ୍ରଥମେ ସୁପରମାର୍ଟର ତୃତୀୟ ମହଲାରେ ନିଆଁ ଲାଗିବା ପରେ, ଚତୁର୍ଥ ମହଲାରେ ଥିବା ଗୋଦାମ ଗୃହକୁ ବ୍ୟାପି ଯାଇଥିଲା ନିଆଁ । ଏଠାରେ ପ୍ଲାଷ୍ଟିକ ଓ ରବର ସାମଗ୍ରୀ ଅଧିକ ଥିବାରୁ ଚାହୁଁ ଚାହୁଁ ନିଆଁ ବ୍ୟାପିବାରେ ଲାଗିଲା ।
ନିଆଁର ଭୟାବହତା ଏତେ ଅଧିକ ଥିଲା ଯେ, ପାଣି ମାଡ଼ କରି ନିଆଁକୁ ଆୟତ୍ତ କରିବା ସମ୍ଭବ ହେଲାନାହିଁ । ଅଗ୍ନିଶମ ଡିଜି ନିଜେ ଘଟଣାସ୍ଥଳରେ ପହଞ୍ଚି ଏହାକୁ ଫୋମ୍ ସାହାଯ୍ୟରେ ଲିଭାଇବାକୁ ଉଦ୍ୟମ କରାଗଲା । ପାଣି ମାଡ଼ କରି ନିଆଁ ଲିଭାଇବା ସମ୍ଭବ ନହେବାରୁ ଫୋମ୍ ସାହାଯ୍ୟରେ ଲିଭାଇବାକୁ ଉଦ୍ୟମ ଆରମ୍ଭ ହେଲା । ଏହି ନିଆଁ ଲିଭା କାର୍ଯ୍ୟରେ ନିୟୋଜିତ ହୋଇଥିଲେ ୪୦ରୁ ଅଧିକ ଦମକଳ ଗାଡ଼ି । ୧୫ରୁ ଅଧିକ ଗାଡ଼ି ସାହାଯ୍ୟରେ ଫୋମ୍ ପ୍ରୟୋଗ କରାଗଲା । ମେସିନ ଅତ୍ୟାଧୁନିକ କ୍ରେନ୍ ସାହାଯ୍ୟରେ କର୍ମଚାରୀମାନେ ଛାତ ଉପରେ ପହଞ୍ଚି ଫୋମ୍ । ତଥାପି ନିଆଁ ସମ୍ପୂର୍ଣ୍ଣ ଭାବେ ଲିଭିନଥିଲା ।
