ସଂଚାର ବ୍ୟୁରୋ: ଗାଁ ଦାଣ୍ଡରେ କଙ୍ଗାରୁ କୋର୍ଟ ଭିଡିଓ ହେଲା ଭାଇରାଲ । ଦିଗପହଣ୍ଡି ଥାନା କମଳାପୁର ଗାଁରେ ବିଦ୍ୟୁତ ଖୁଣ୍ଟରେ ବାନ୍ଧି ଯୁବକଙ୍କୁ ମାଡ଼ ମାରିବା ଭିଡିଓ ଏବେ ସାମାଜିକ ଗଣମାଧ୍ୟମରେ ଭାଇରାଲ ହେଉଛି । ଏ ନେଇ ଥାନାରେ କୌଣସି ମାମଲା ରୁଜୁ ହୋଇନଥିବା ବେଳେ ଉଭୟଙ୍କ ମଧ୍ୟରେ ଆପୋଷ ବୁଝାମଣା ହୋଇଥିବା କହିଛି ଦିଗପହଣ୍ଡି ପୋଲିସ । କଲ୍ୟାଣିପୁର ଗାଁର ଜଣେ ଯୁବକଙ୍କ ସହିତ ନିକଟସ୍ଥ ଜକର ଗାଁର କିଛି ଯୁବକଙ୍କ ମଧ୍ୟରେ ପାଟିତୁଣ୍ଡ ହୋଇଥିଲା । ପରେ ସେହି ଯୁବକମାନେ ହଠାତ କମଳାପୁର ଗାଁରେ ପହଞ୍ଚି ଯୁବକଙ୍କ ସହିତ ଗଣ୍ଡଗୋଳ କରିଥିଲେ ।
ଖବର ପାଇ ଗ୍ରାମବାସୀ ଯୁବକ ମାନଙ୍କ ସାର୍ଟ ଓହ୍ଲାଇ ବିଦ୍ୟୁତ ଖୁଣ୍ଟରେ ବାନ୍ଧି ମାଡ଼ ମାରିଥିଲେ । ପରେ ପୋଲିସକୁ ଖବର ଦେଇଥିଲେ । ପୋଲିସ ପହଞ୍ଚି ୪ଜଣ ଯୁବକଙ୍କୁ ଖୁଣ୍ଟରୁ ଫିଟାଇ ଆଣିବା ସହିତ ସେମାନଙ୍କ ଠାରୁ ନକଲି ବନ୍ଧୁକ ଜବତ କରିଛି । ଉଭୟ ପକ୍ଷର ଆପୋଷ ବୁଝାବଣା ହୋଇଥିବା ପୋଲିସ କହିଛି । ଗାଁ ଖୁଣ୍ଟରେ ବାନ୍ଧି ମାଡ଼ ମାରିବା ଭିଡିଓ ଏବେ ସୋସିଆଲ ମିଡିଆରେ ଭାଇରଲ ହେଉଛି ।
