ଦିଗପହଣ୍ଡି: କେ ନୁଆଁଗାଁ ଥାନା ଚିକିଟି ଗଡ଼ର ନିକଟ ଏକ ଘରୁ ଚାରି ଜଣ ଯୁବକଙ୍କୁ ଉଦ୍ଧାର କରିଛି ପୋଲିସ । କୋଟିଏ ଟଙ୍କା ଦାବି କରି ୪ ଜଣଙ୍କୁ ଅପହରଣ କରି ଘରେ ବାନ୍ଧି ରଖିଥିବା ଅଭିଯୋଗ ହୋଇଛି । ଉଦ୍ଧାର କରାଯାଇଥିବା ଚାରି ଜଣ ଯୁବକଙ୍କୁ ଚିକିଟି ଗଡ଼ର ଏକ ଘରେ କିଛି ଦୁର୍ବୁର୍ତ୍ତ ଅପହରଣ କରି ରଖିଥିବା ବେଳେ ଉଦ୍ଧାର ହୋଇଥିବା ଜଣାପଡିଛି ।
ସୂଚନା ଅନୁସାରେ, ଗଞ୍ଜାମ ଜିଲ୍ଲା ଚିକିଟି ଗଡ଼ ଅଞ୍ଚଳରେ ଚାରି ଜଣ ଯୁବକଙ୍କୁ ଘର ଭିତରେ ରଖି ଅପହରଣ କରି ରଖା ଯାଇଥିବା ବେଳେ କୌଶଳ କ୍ରମେ ଜଣେ ଯୁବକ ଖସି ଆସିଥିଲେ । ପରେ ସେ ଚିକିଟି ତହସିଲଦାରଙ୍କ ଘରକୁ ଯାଇ ନିଜକୁ ବଞ୍ଚାଇବା ସହ ଆଉ ତିନି ଜଣଙ୍କୁ ଘରେ ବନ୍ଦି କରି ରଖିଛନ୍ତି ବୋଲି କହିଥିଲେ । ତହସିଲଦାର ଏ ବିଷୟରେ ପୋଲିସକୁ ଖବର ଦେବା ପରେ ପୋଲିସ ଘଟଣାସ୍ଥଳରେ ପହଞ୍ଚି ଘରେ ଅପହରଣ ହୋଇଥିବା ଯୁବକଙ୍କୁ ଉଦ୍ଧାର କରିଥିଲା । ଅପହରଣକୁ ନେଇ ପୋଲିସ ତଦନ୍ତ ଆରମ୍ଭ କରିଛି । ତେବେ ଏନେଇ ପୋଲିସ ପକ୍ଷରୁ ସ୍ପଷ୍ଟ ସୂଚନା ମିଳି ନାହିଁ ।
