ସଂଚାର ବ୍ୟୁରୋ: ପୁଅର ମୃତ ଖବର ଶୁଣି କୀଟନାଶକ ପିଇଦେଲା ବାପା। ଢେଙ୍କାନାଳ ସଦର ଥାନା ଅନ୍ତର୍ଗତ ନାଗେନା ବାଲିଘାଟରେ ପୁଅର ରକ୍ତ ଜୁଡୁବୁଡୁ ମୃତଦେହ ଦେଖି ବିଷ ପିଇ ଦେଲା ବାପା। ଗୁରୁତର ଅବସ୍ଥାରେ ତାଙ୍କୁ ମେଡିକାଲରେ ଭର୍ତ୍ତି କରାଯାଇଛି। ୩୨ ବର୍ଷୀୟ ପୁଅ ରୁଦ୍ର ନାୟକଙ୍କ ରକ୍ତ ଜୁଡୁବୁଡୁ ମୃତଦେହ ବାଲିଘାଟରେ ପଡି ରହିଥିଲା। ରୁଦ୍ରଙ୍କ ଘର ବାଲିଘାଟ ନିକଟସ୍ଥ ଖମାର ଗାଁରେ। କିଏ ଓ କାହିଁକି ରୁଦ୍ର ଙ୍କୁ ହତ୍ୟା କରିଛି ସେନେଇ କାରଣ ଅସ୍ପଷ୍ଟ ରହିଛି। ପରିବାର ଲୋକେ ବାଲିଘାଟରେ କାର୍ଯ୍ୟରତ ଜଣେ ଜେସିବି ଡ୍ରାଇଭର ହତ୍ୟା କରିଥିବା ଅଭିଯୋଗ କରିଛନ୍ତିl ଘଟଣାସ୍ଥଳରେ ସଦର ଥାନା ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି। JCB ଡ୍ରାଇଭରକୁ ପୋଲିସ ଅଟକ ରଖି ପଚରାଉଚରା କରୁଛି l ମାସକ ତଳେ ବାଲିଘାଟକୁ କେନ୍ଦ୍ର କରି ଗତ ଏପ୍ରିଲ୨୧ରେ ଢେଙ୍କାନାଳ ଜୟ ଗୋପାଳ ସାହିର ମହେଶ୍ୱର ବେହେରାଙ୍କୁ ଗୁଳିକରି ହତ୍ୟା ହୋଇଥିଲାl ବାଲି କାରବାରକୁ ନେଇ ଗୋଟିଏ ପରେ ଗୋଟଏ ମୁଣ୍ଡ ଗଡୁଛି
