ଛାତ୍ରୀଙ୍କ ମୃତ୍ୟୁକୁ ନେଇ ରାହୁଲ ଗାନ୍ଧିଙ୍କ ସୋସିଆଲ ମିଡିଆ ବୟାନକୁ ନେଇ କଡ଼ା କାଉଣ୍ଟର କରିଛନ୍ତି କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ଓଡ଼ିଶାର ଝିଅ ସହିତ ଘଟିଥିବା ଦୁଃଖଦ ଘଟଣା ଉପରେ ରାହୁଲ ଗାନ୍ଧୀ ଏବଂ କଂଗ୍ରେସର ଶସ୍ତା ରାଜନୀତି ଅତ୍ୟନ୍ତ ଦୁର୍ଭାଗ୍ୟଜନକ ବୋଲି ସୋସିଆଲ ମିଡିଆ X ରେ ପୋଷ୍ଟ କରିଛନ୍ତି ଧର୍ମେନ୍ଦ୍ର ପ୍ରଧାନ । ଏକ ଗମ୍ଭୀର ଏବଂ ସମ୍ବେଦନଶୀଳ ଘଟଣାକୁ ରାଜନୈତିକ ଅସ୍ତ୍ର କରିବା ରାହୁଲ ଗାନ୍ଧିଙ୍କ ଶସ୍ତା ମାନସିକତାକୁ ଦର୍ଶାଉଛି । ଓଡ଼ିଶାର ଏହି ଘଟଣା ସମଗ୍ର ଦେଶକୁ ଥରାଇ ଦେଇଛି, କିନ୍ତୁ କଂଗ୍ରେସ ଏହାକୁ ନିଜର ରାଜନୈତିକ ରୁଟି ସେକିବାର ସୁଯୋଗ ଦେଇଛି । ପ୍ରଧାନମନ୍ତ୍ରୀ ମୋଦି ଏବଂ ବିଜେପି ସର୍ବଦା ମହିଳାଙ୍କ ସୁରକ୍ଷା ଏବଂ ନ୍ୟାୟ ପାଇଁ ଠୋସ୍ ପଦକ୍ଷେପ ନେଇଛନ୍ତି ।
ଯେତେବେଳେ କଂଗ୍ରେସ ପ୍ରତି ଦୁର୍ଘଟଣାରେ ସୁଯୋଗ ଖୋଜିବା ପାଇଁ କାମ କରିଛି । ଏହି ଘଟଣାରେ, ଓଡ଼ିଶା ସରକାର ପୂର୍ଣ୍ଣ ସମ୍ବେଦନଶୀଳତାର ସହିତ ପୀଡ଼ିତାଙ୍କ ପରିବାର ସହିତ ଠିଆ ହୋଇଛି । ଦୋଷୀମାନଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ନିଆଯିବ, କାହାକୁ ମଧ୍ୟ ଛଡାଯିବ ନାହିଁ । ଏହା ଶସ୍ତା ରାଜନୀତିର ସମୟ ନୁହେଁ, ବରଂ ପୀଡିତାଙ୍କ ପରିବାରକୁ ନ୍ୟାୟ ଦେବାର ସମୟ । ରାହୁଲ ଗାନ୍ଧୀ ତୁରନ୍ତ ତାଙ୍କ ଦାୟିତ୍ୱହୀନ ବୟାନ ପାଇଁ ପୀଡ଼ିତାଙ୍କ ପରିବାରକୁ କ୍ଷମା ମାଗିବା ଉଚିତ । ସୌମ୍ୟାଶ୍ରୀ ମୃତ୍ୟୁକୁ ନେଇ ସୋସିଆଲ ମିଡିଆ Xରେ ରାହୁଲ ଗାନ୍ଧି ଲେଖିଥିଲେ , ସୌମ୍ୟାଶ୍ରୀଙ୍କ ମୃତ୍ୟୁ ଆତ୍ମହତ୍ୟା ନୁହେଁ, ବ୍ୟବସ୍ଥା ଦ୍ବାରା ସଂଗଠିତ ହତ୍ୟା ।
