ସମ୍ବଲପୁରରେ ବିଶାଳ ତ୍ରିରଙ୍ଗା ଶୋଭାଯାତ୍ରା । ଅପରେସନ ସିନ୍ଦୂରର ସଫଳତା ଓ ସେନାର ମନୋବଳ ବଢାଇବାକୁ ଶୋଭାଯାତ୍ରା । ବିଶାଳ ଶୋଭଯାତ୍ରାରେ କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ସହ ଉପମୁଖ୍ୟମନ୍ତ୍ରୀ କନକ ବଦ୍ଧନ ସିଂ ଦେଓ, ପଂଚାୟତିରାଜ ମନ୍ତ୍ରୀ ରବିନାରାୟଣ ନାୟକ ମଧ୍ୟ ଯୋଗ ଦେଇଥିଲେ । ଭାରତୀୟ ସେନାର ବୀରତ୍ବକୁ ସାଲ୍ୟୁଟ କରିବା ସହ କେନ୍ଦ୍ରମନ୍ତ୍ରୀ କହିଛନ୍ତି, ଭାରତର ପରାକ୍ରମ ସାରା ବିଶ୍ବ ଦେଖିଛି । ଭାରତର ସୈନିକ ଶକ୍ତି ତାର ପରାକାଷ୍ଠା ଦେଖାଇଛି ।
ପ୍ରଧାନମନ୍ତ୍ରୀଙ୍କ ନେତୃତ୍ବରେ ଭାରତ ତାର ପରିଚୟ ବିଶ୍ବରେ ତିଆରି କରିଛି । ଉଗ୍ରବାଦକୁ ପ୍ରଶୟ ଦେଉଥିବା ପାକିସ୍ତାନକୁ ଉଚିତ ଜବାବ ଦିଆଯାଇଛି । ଭାରତ ସହ କେହି ଲାଗିଲେ ଭାରତୀୟ ସେନା, ଭାରତର ଆଜିର ନେତୃତ୍ବ ତାର ଉଚିତ ଜବାବ ଦେବେ । ଆଗକୁ ଜାରି ରହିବ ଅପରେସନ ସିନ୍ଦୂର, ବର୍ତ୍ତମାନ ପାଇଁ ଅପରେସନ ସିନ୍ଦୂରକୁ ସ୍ଥଗିତ ରଖାଯାଇଛି । ତେବେ ତ୍ରିରଙ୍ଗା ଯାତ୍ରା ମାଧ୍ୟମରେ ଭାରତୀୟ ସେନାଙ୍କ ମନୋବଳ ବଢ଼ାଇବା ସହ ଓଡ଼ିଶାାବାସୀଙ୍କୁ ଭାରତୀୟ ସେନାଙ୍କ ସହ ଠିଆ ହେବାକୁ ଆହ୍ବାନ ଦେଇଛନ୍ତି କେନ୍ଦ୍ରମନ୍ତ୍ରୀ ।
