ସଂଚାର ବ୍ୟୁରୋ: ମା ମଙ୍ଗଳା ବସ୍ତିରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ହାତରେ ଝାଡୁ ଧରି ନିଜେ ରାସ୍ତାକୁ ଓଳାଇ ଅଳିଆ ସଫା କରିଛନ୍ତି । ଏହି କାର୍ଯ୍ଯକ୍ରମରେ କେନ୍ଦ୍ରମନ୍ତ୍ରୀଙ୍କ ସମେତ ନଗର ଉନ୍ନୟନ ମନ୍ତ୍ରୀ କୃଷ୍ଣଚନ୍ଦ୍ର ମହାପାତ୍ର ଏବଂ ମେୟର ସୁଲୋଚନା ଦାସ ମଧ୍ୟ ସାମିଲ ଥିଲେ । ଜାତିର ଜନକ ମହାତ୍ମା ଗାନ୍ଧୀଙ୍କ ଅତି ପ୍ରିୟ ବିଷୟ ଥିଲା ସଫେଇ । ବିଗତ ୧୦ ବର୍ଷ ହେବ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସ୍ବଚ୍ଛତାକୁ ନେଇ ଆହ୍ବାନ ଦେଇଥିଲେ । ୨ ଅକ୍ଟୋବରରେ ସ୍ୱଚ୍ଛତା ଅଭିଯାନର ୧୦ ବର୍ଷ ପୂର୍ତ୍ତି ହୋଇଛି । ଏହି ଅବସରରେ ଆଜି ମଙ୍ଗଳା ବସ୍ତିରେ ବିଏମସିର କିଛି ସଫେଇ କର୍ମୀଙ୍କୁ ସମ୍ବର୍ଦ୍ଧିତ କରିବା ସହ ସେମାନଙ୍କ ସହ ବସି ଚାହା ପିଇଛନ୍ତି କେନ୍ଦ୍ରମନ୍ତ୍ରୀ । ଏହି ଅବସରରେ ବଡ ଘୋଷଣା କରିଛନ୍ତି କେନ୍ଦ୍ରମନ୍ତ୍ରୀ । ପ୍ରବାସୀ ଭାରତୀୟ ଦିବସ ଏଥର ଓଡ଼ିଶାରେ ଭାରତ ସରକାର ପାଳନ କରିବାକୁ ଯାଉଛନ୍ତି । ତା ପରେ ପରେ ନିକଟ ଭବିଷ୍ୟତରେ ନିବେଶକ ସମିତି ମଧ୍ୟ ଓଡ଼ିଶାରେ ହେବ ବୋଲି କହିଛନ୍ତି
