ସଂଚାର ବ୍ୟୁରୋ: ପରଲୋକରେ ହି-ମ୍ୟାନ୍ । ବଲିଉଡର ହି-ମ୍ୟାନ୍ ଧର୍ମେନ୍ଦ୍ରଙ୍କ ପରଲୋକ । ମୃତ୍ୟୁ ବେଳକୁ ତାଙ୍କୁ ୮୯ ବର୍ଷ ବୟସ ହୋଇଥିଲା । ବାସଭବନରେ ନେଲେ ଶେଷ ନିଶ୍ବାସ। ତେବେ ସ୍ବାସ୍ଥ୍ୟାବସ୍ଥା ଜଟିଳ ହେବାପରେ ସୋମବାର ଧର୍ମେନ୍ଦ୍ରଙ୍କୁ ଭେଣ୍ଟିଲେଟରରେ ରଖାଯାଇଥିଲା । ସ୍ୱାସ୍ଥ୍ୟାବସ୍ଥା ଗୁରୁତର ନଥିଲେ ବି ଧର୍ମେନ୍ଦ୍ରଙ୍କୁ ଅବଜରଭେସନରେ ରଖାଯାଇଥିବା ତାଙ୍କ ଟିମ ପକ୍ଷରୁ କୁହାଯାଇଥିଲା । କିନ୍ତୁ ଆଜି ତାଙ୍କର ପରଲୋକ ଘଟିଛି ।
ଗତ ସପ୍ତାହରେ ମଧ୍ୟ ବଲିଉଡର ହି- ମ୍ୟାନ ଧର୍ମେନ୍ଦ୍ର ଅସୁସ୍ଥ ହୋଇ ମୁମ୍ବାଇର ବ୍ରିଚ୍ କ୍ୟାଣ୍ଡି ହସ୍ପିଟାଲରେ ଭର୍ତ୍ତି ହୋଇଥିଲେ । ନିୟମିତ ସ୍ବାସ୍ଥ୍ୟ ପରୀକ୍ଷା ପାଇଁ ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିବା ଟିମ ପକ୍ଷରୁ କୁହାଯାଇଥିଲା । ନିୟମିତ ଭାବେ ଅଭିନେତା ଧର୍ମେନ୍ଦ୍ର ସ୍ବାସ୍ଥ୍ୟ ପରୀକ୍ଷା ପାଇଁ ଏହି ହସ୍ପିଟାଲକୁ ଆସିଥାନ୍ତି । ତେବେ ଏଥର ଏକାଧିକ ପରୀକ୍ଷା ଥିବାରୁ ବାରମ୍ବାର ମେଡିକାଲକୁ ଯିବା ପରିବର୍ତ୍ତେ ସେ ଡାକ୍ତରଖାନାରେ ଆଡମିଟ୍ ହୋଇଥିଲେ । ଡିସେମ୍ବର ୮ ରେ ଧର୍ମେନ୍ଦ୍ର ତାଙ୍କର ୯୦ ତମ ଜନ୍ମଦିନ ପାଳନ କରିଥାନ୍ତେ । ୨୦୨୪ରେ ଶେଷ ଥର ପାଇଁ ସେ ‘‘ ତେରୀ ବାତୋଁ ମେଁ ଐସା ଉଲଝା ଜିୟା’’ ଫିଲ୍ମରେ ଶଶୀ କପୁର ଓ କ୍ରିତି ଶାନନଙ୍କ ସହ ଅଭିନୟ କରିଥିଲେ । ଧର୍ମେନ୍ଦ୍ରଙ୍କ ଅପକମିଂ ଫିଲ୍ମ ଇକିସ୍ ଆସନ୍ତା ଡିସେମ୍ବର ମାସରେ ରିଲିଜ ହେବ ।
