ସଂଚାର ବ୍ୟୁରୋ: ରାଜଧାନୀ ଦିଲ୍ଲୀରେ ମର୍ସିଡିସ-ବେଞ୍ଜ ଏସୟୁଭି ନେଲା ଜଣକର ଜୀବନ। ଗୁରୁତର ଆହତ ହୋଇଛନ୍ତି ୨ ଜଣ। ଏହି ଘଟଣାକୁ ନେଇ ଚାଞ୍ଚଲ୍ୟ ପ୍ରକାଶ ପାଇଛି। ଦକ୍ଷିଣ ଦିଲ୍ଲୀର ବସନ୍ତକୁଞ୍ଜ ଅଞ୍ଚଳରେ ଘଟିଛି ଦୁର୍ଘଟଣା। ଏସୟୁଭିକୁ ଜଣେ ୨୯ ବର୍ଷର ଯୁବକ ଚଳାଉଥିବା ସୂଚନା ମିଳିଛି। ବସନ୍ତକୁଞ୍ଜ ଅଞ୍ଚଳର ଆମ୍ବିଏନ୍ସ ମଲ୍ ନିକଟରେ ଏହି ଘଟଣା ଘଟିଛି। ଦୁର୍ଘଟଣାରେ ମର୍ସିଡିସ ଜି-୬୩ ସମ୍ପୂର୍ଣ୍ଣ କ୍ଷତିଗ୍ରସ୍ତ ହୋଇଛି। କାର୍ ଧକ୍କାରେ ୩ ଜଣ ଗୁରୁତର ଆହତ ହୋଇଥିଲେ। ସେମାନଙ୍କ ମଧ୍ୟରୁ ଜଣଙ୍କର ମୃତ୍ୟୁ ଘଟିଥିଲା। ଅନ୍ୟ ୨ ଆହତଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି। ମୃତାହତମାନେ ଏକ ରେଷ୍ଟୁରାଣ୍ଟରେ କାମ କରୁଥିଲେ। ଅଟୋରେ ଯିବା ଲାଗି ସେମାନେ ଏକ ଅଟୋ ଷ୍ଟାଣ୍ଡ ନିକଟରେ ଅପେକ୍ଷା କରିଥିବାବେଳେ ଏସୟୁଭି ସେମାନଙ୍କୁ ଧକ୍କା ଦେଇଥିଲା। ମୃତକ ଜଣକ ହେଉଛନ୍ତି ଉତ୍ତରାଖଣ୍ଡର ୨୩ ବର୍ଷ ବୟସ୍କ ରୋହିତ। ଏସୟୁଭିର ଡ୍ରାଇଭର କାରୋଲବାଗ ଶୁଭମ ବୋଲି ଜଣାପଡିଛି। ସେଥିରେ ତାଙ୍କ ପତ୍ନୀ ଓ ବଡ଼ଭାଇ ଥିଲେ। ଏସୟୁଭିର ମୂଳ ମାଲିକ ଅଭିଷେକ ହୋଇଥିବାବେଳେ ତାଙ୍କଠାରୁ ଗାଡ଼ି ନେଇ ଶୁଭମ ଚଳାଉଥିଲେ। ଘଟଣାରେ ମାମଲା ରୁଜୁ କରି ତଦନ୍ତ କରୁଛି ପୋଲିସ।..
