ସୋସିଆଲ ମିଡିଆରେ ଚର୍ଚ୍ଚାର ବିଷୟ ପାଲଟିଛି କକ୍ରୋଚ୍ ଜନତା ପାର୍ଟି । ମାତ୍ର ୩ ଦିନ ମଧ୍ୟରେ ଲକ୍ଷେ ନୁହେଁ ବରଂ ୬୨ ଲକ୍ଷ ଫଲୋର୍ସ କରିବା କୌଣସି ସାଧାରଣ କଥା ନୁହେଁ । ଆଶ୍ଚର୍ଯ୍ୟର କଥା ହେଉଛି ଯେ ସୋସିଆଲ ମିଡିଆ ହ୍ୟାଣ୍ଡେଲରେ ଫଲୋର୍ସ ସଂଖ୍ୟା ଦିନକୁ ଦିନ ବଢିବାରେ ଲାଗିଛି । ଯଦି ଏଭଳି ଭାବେ ଏହାର ଫଲୋର୍ସ ସଂଖ୍ୟା ବଢିଚାଲେ ତେବେ କୌଣସି ଭାରତୀୟ ପଲିଟିକାଲ୍ ପାର୍ଟି ଅପେକ୍ଷା ଏହା ଅଧିକ ହେବ । ଯାହା ଆଉ ବେଶୀ ଦୂର ନୁହେଁ ।
ଇନଷ୍ଟାଗ୍ରାମ ପେଜରେ ଏମାନଙ୍କ ଭିଡିଓ ୫୦ ଲକ୍ଷରୁ ଆରମ୍ଭ କରି ୧କୋଟି ପର୍ଯ୍ୟନ୍ତ ଭ୍ୟୁ ପାର୍ କରୁଛି । ସବୁଠୁ ବଡ଼ ପ୍ରଶ୍ନ ଯେ ଏତେ କମ୍ ଦିନରେ ପେଜ୍ କେମିତି ଏତେ ଭାଇରାଲ ହେଉଛି । ଏଥିରେ ପ୍ରକୃତରେ ଲୋକ ଅଛନ୍ତି ନା କୌଣସି ହେରଫେର ଚାଲିଛି ବୋଲି ପ୍ରଶ୍ନ ମଧ୍ୟ ଉଠୁଛି ।
ବର୍ତ୍ତମାନ ସମୟରେ ଇନଷ୍ଟାଗ୍ରାମର ସମ୍ପୂର୍ଣ୍ଣ ସିଷ୍ଟମ୍ ଆଲଗୋରିଦିମ୍ ଉପରେ ଚାଲୁଛି । ଯଦି କୌଣସି କଣ୍ଟେଣ୍ଟ ଆରମ୍ଭରୁ ତୀବ୍ର ଗତିରେ ଲାଇକ୍, ସେୟାର ଏବଂ କମେଣ୍ଟ ପାଏ ତେବେ ଇନଷ୍ଟାଗ୍ରାମ ତାକୁ ଅଧିକ ଲୋକଙ୍କ ପାଖକୁ ପହଞ୍ଚାଏ । ଯାହାକୁ ଠିକ୍ ଭାବେ ସଫଳ କରିଛି କକ୍ରୋଚ୍ ଜନତା ପାର୍ଟି । ସେମାନଙ୍କ ଭିଡିଓ ଛୋଟ ହେଲେ ମଧ୍ୟ ସିଧାସଳଖ ହୃଦୟକୁ ଛୁଇଁଥାଏ । ଏଥିରେ ରାଗ, କମେଡି ଏବଂ ହତାଶା ରହିଛି। ଯାହା ସବୁଠାରୁ ଶୀଘ୍ର ଭାଇରାଲ ହୋଇଥାଏ ।
ଏହି ପେଜରେ Gen Z ଭାଷାର ବ୍ୟବହାର କରୁଛି । କଠିନ ଭାଷା ବଦଳରେ ସିମ୍ପଲ୍ ମିମ୍ସ, ସର୍କାଷ୍ଟିକ୍ ଭିଡିଓ ଏବଂ ରିଲେଟେବଲ୍ ରିଲ୍ସ ପକାଇଥାଏ । ବେରୋଜଗାରୀ ସିଷ୍ଟମ ବିରୋଧରେ କ୍ରୋଧ ଏବଂ ହତାଶା ଲୋକମାନଙ୍କୁ ମଜାକିଆ ଢଙ୍ଗରେ ଦେଖାଯାଇଛି ।
ଆପଣଙ୍କୁ ଜଣାଇ ରଖୁଛୁ ଯେ କକ୍ରୋଚ୍ ଜନତା ପାର୍ଟି କୌଣସି ପଲିଟିକାଲ ପାର୍ଟି ନୁହେଁ । ଏହା ଅଭିଜିତ ନାମକ ଜଣେ ଯୁବକଙ୍କ ଦ୍ୱାରା ସୃଷ୍ଟି ହୋଇଥିବା ଏକ ଧାରଣା ଏବଂ ଅଭିଯାନ। ଚିଫ୍ ଜଷ୍ଟିସ୍ ଅଫ୍ ଇଣ୍ଡିଆ ଜେରା ସମୟରେ ଯୁବକଙ୍କୁ କକ୍ରୋଚ୍ କୁହାଯାଇଥିବା ଅଭିଯୋଗ ହୋଇଛି । ଏହା ପରେ ତୁରନ୍ତ ରିଲ୍ସ ହେବା ଆରମ୍ଭ ହୋଇଥିଲା ଏବଂ ତାର ନାଁ କକ୍ରୋଚ୍ ପାର୍ଟି ରଖାଯାଇଥିଲା ।
କକ୍ରୋଚ୍ ପାର୍ଟିର ୱେବସାଇଟ୍ AI ଜରିଆରେ କରାଯାଇଛି । ଯିଏ ଏହାକୁ ବନାଇଥିଲେ ସେ କହିଛନ୍ତି ଯେ, ୱେବସାଇଟକୁ ଯାଇ ଲୋକ ରେଜିଷ୍ଟର କରି କକ୍ରୋଚ୍ ପାର୍ଟିରେ ସାମିଲ ହୋଇପାରିବେ । ଯେତେବେଳେ ଲୋକମାନେ ନିଜକୁ କଣ୍ଟେଣ୍ଟରେରେ ଦେଖନ୍ତି, ସେମାନେ କେବଳ ଭିଡିଓ ଦେଖନ୍ତି ନାହିଁ ବରଂ ସେୟାର ମଧ୍ୟ କରନ୍ତି । ଫଳରେ ସେମାନଙ୍କର ଭିଡିଓଗୁଡ଼ିକ ଚେନ୍ ରିଆକ୍ସନ୍ ଭଳି ବ୍ୟାପିଯାଇଥାଏ ।
ଯେତେବେଳେ କୌଣସି ପେଜ ଭାଇରାଲ ହୁଏ ସେତେବେଳେ କେବଳ ଭିଡିଓ ଭାଇରାଲ ହୋଇନଥାଏ ପୁରା ପେଜ୍ ଗ୍ରୋ କରିଥାଏ । ଗୋଟିଏ ପରେ ଗୋଟିଏ କଣ୍ଟେଣ୍ଟ ହିଟ୍ ହେବା ଯୋଗୁଁ ପେଜ୍ ୩ ଦିନ ମଧ୍ୟରେ ଫଲୋଅର୍ସ ସଂଖ୍ୟା ବଢିବା ସମ୍ଭବ ହୋଇପାରିଲା । ଯେତେବେଳେ ସମାନ ଜିନିଷ ବିଭିନ୍ନ ପ୍ଲାଟଫର୍ମରେ ଟ୍ରେଣ୍ଡିଂ ଆରମ୍ଭ କରେ, ଇନଷ୍ଟାଗ୍ରାମ ଆଲଗୋରିଦମ ଏହାକୁ ଆହୁରି ଆଗକୁ ବଢାଇଥାଏ। ଏହାକୁ କ୍ରସ୍-ପ୍ଲାଟଫର୍ମ ଭାଇରାଲ୍ କୁହାଯାଏ । ଏହି ପେଜ୍ ତାର କଣ୍ଟେଣ୍ଟ ପାଇଁ ଖୁବ୍ ଭାଇରାଲ ହୋଇପାରୁଛି ।
ଏବେ ଆଲୋଚନା ହେଉଛି ଯେ, ଯଦି ଏପରି ଏହି ପେଜ୍ ଆଗକୁ ବଢେ ତେବେ ସୋସିଆଲ ମିଡିଆରେ ଏହା ରାଜନୈତିକ ଦଳକୁ ପଛରେ ପକାଇପାରେ ।
