ସଂଚାର ବ୍ୟୁରୋ: ଏତେ ଦିନ ଧରି ଯେଉଁ ଚର୍ଚ୍ଚା ହେଉଥିଲା, ତାହା ସତରେ ପରିଣତ ହୋଇଛି। ଭଲରେ ଭଲରେ ଦୁଇ ବର୍ଷ ବି ତିଷ୍ଠି ପାରିଲା ନାହିଁ ସେଲିବ୍ରିଟି ବାହାଘର। କ୍ରିକେଟର ଯୁଜବେନ୍ଦ୍ର ଚହଲ ଓ ଧନଶ୍ରୀ ବର୍ମାଙ୍କ ମଧ୍ୟରେ ବିବାହ ବିଚ୍ଛେଦ ହୋଇଛି। ଏକ ଫ୍ୟାମିଲି କୋର୍ଟ ଏହାର ରାୟ ଦେଇଛନ୍ତି। ୨୦୨୦ରେ ଚହଲ ଓ ଧନଶ୍ରୀଙ୍କ ମଧ୍ୟରେ ବାହାଘର ହୋଇଥିଲା। କରୋନା ଲକ୍ ଡାଉନ ବେଳେ ଧନଶ୍ରୀଙ୍କଠାରୁ ଡାନସ୍ ଶିଖିବାକୁ ଯାଇଥିଲେ ଚହଲ। ସେଠାରୁ ପ୍ରେମ, କିଛି ମାସ ପରେ ବିବାହ। କିନ୍ତୁ ମାତ୍ର ୨ ବର୍ଷ ପରେ ୨୦୨୨ରୁ ସେମାନେ ଅଲଗା ରହୁଥିଲେ। ଉଭୟେ ଫ୍ୟାମିଲି କୋର୍ଟରେ ଡିଭୋର୍ସ ପାଇଁ ଆବେଦନ କରିଥିଲେ। ମ୍ୟୁଚୁଆଲ୍ ଡିଭୋର୍ସ ପାଇଁ ଆବେଦନ ହୋଇଥିବାରୁ ୬ ମାସର କୁଲିଂ ପିରିୟଡ ବି ରଖାଯାଇନାହିଁ। ଚହଲ ପ୍ରାୟ ସାଢ଼େ ୪ କୋଟି ଟଙ୍କା ଧନଶ୍ରୀଙ୍କୁ ଭରଣ ପୋଷଣ ଭାବେ ଦେବେ।
