ଚନ୍ଦନେଶ୍ୱର ଚଡ଼କ ଯାତ୍ରା ପାଇଁ ପଶ୍ଚିମବଙ୍ଗ ଦୀଘାରେ ଆସନ୍ତାକାଲିଠାରୁ ଚାଲିବ ସ୍ପେଶାଲ ଟ୍ରେନ । ପାଉଁଶକୁରାଠାରୁ ଦୀଘାକୁ ଚାଲିବ ଏହି ସ୍ପେଶାଲ ଟ୍ରେନ । ସୂଚନା ଦେଲେ ଦୀଘା ରେଳବାଇ ସ୍ପେଶାଲ ମ୍ୟାନେଜର ସଞ୍ଜୀବ କୁମାର ଦାସ ମହାପାତ୍ର । ବାଲେଶ୍ୱର ଭୋଗରାଇ ବାବା ଚନ୍ଦନେଶ୍ୱରଙ୍କ ଶୈବପୀଠରେ ମାର୍ଚ୍ଚ ୩୧ ତାରିଖରୁ ଆରମ୍ଭ ହୋଇଛି ବିଶ୍ୱ ପ୍ରସିଦ୍ଧ ଚଡ଼କ ଯାତ୍ରା ।
ଏହି ଚଡ଼କ ଯାତ୍ରା ଏପ୍ରିଲ ମାସ ୧୩ତାରିଖ ପର୍ଯ୍ୟନ୍ତ ଚାଲୁ ରହିବ । ଆସନ୍ତାକାଲି ରହିଛି ବାବା ଆଶୁତୋଷଙ୍କ ବିବାହ ପର୍ବ । ଆଜି ଷଷ୍ଠ ଅର୍ଘ୍ୟରେ ହଜାର ହଜାର ଶ୍ରଦ୍ଧାଳୁ ବ୍ରତ ଧାରଣ କରୁଥିବାବେଳେ ସେମାନଙ୍କ ସୁରକ୍ଷା ପାଇଁ ଜିଲ୍ଲା ପୋଲିସ ପକ୍ଷରୁ ୨୬ ପ୍ଲାଟୁନ ପୋଲିସ ଫୋର୍ସ ମୁତୟନ କରାଯାଇଛି । ଏହି ଚଡ଼କ ପର୍ବରେ ୮୦ପ୍ରତିଶତ ଶ୍ରଦ୍ଧାଳୁ ପଶ୍ଚିମବଙ୍ଗରୁ ଆସୁଥିବାବେଳେ ପଶ୍ଚିମବଙ୍ଗ ସ୍ଥିତ ପାଉଁଶକୁରାଠାରୁ ଦୀଘା ପର୍ଯ୍ୟନ୍ତ ସ୍ପେଶାଲ ଟ୍ରେନ ଆସନ୍ତାକାଲି ଠାରୁ ଚାଲିବା ନେଇ ସୂଚନା ଦେଇଛନ୍ତି ଦୀଘା ରେଳବାଇ ସ୍ପେଶାଲ ମ୍ୟାନେଜର ।
