ଭୁବନେଶ୍ୱର : ଫିଲ୍ମ ନିର୍ଦ୍ଦେଶକ ବବି ଇସଲାମଙ୍କୁ ଧମକପୂର୍ଣ୍ଣ ଫୋନ କଲ । ଏକ ଟିଭି ଚ୍ୟାନେଲ ବିତର୍କରେ ଅଭିିନେତା ମନୋଜ ମିଶ୍ରଙ୍କୁ ଇଙ୍ଗିତ କରି ଟିପ୍ପଣୀ ଦେଇଥିବା ଅଭିଯୋଗରେ ଧମକପୂପୂର୍ଣ୍ଣ ଫୋନ କଲ ଆସିଛି । ସୋମ୍ୟ ରଞ୍ଜନ ବାରିକ ନାମକ ଜଣେ ବ୍ୟକ୍ତି ବବି ଇସଲାମକୁ ହ୍ୱାଟସଅପରେ କଲ କରି ଜୀବନରୁ ମାରିଦେବା ପାଇଁ ଧମକାଇଥିଲେ । ଏହାପରେ ନିଜ ଜୀବନ ଉପରେ ବିପଦ ଥିବା ଦର୍ଶାଇ ବବି ଦରଘା ବଜାର ଥାନାରେ ଅଭିଯୋଗ କରିଛନ୍ତି । ନିର୍ଦ୍ଦେଶକ ବବି ଇସଲାମ କହିଛନ୍ତି ଯଦି ତାଙ୍କର କିଛି କ୍ଷତି ହୁଏ ତେବେ ଏଥିପାଇଁ ମନୋଜ ମିଶ୍ର ହିଁ ଦାୟୀ ରହିବେ । ସେପଟେ ଏନେଇ ମନୋଜ ମିଶ୍ରଙ୍କ କୌଣସି ପ୍ରତିକ୍ରିୟା ମିଳିପାରି ନାହିଁ ।
