ସୁନା ରୁପା ଏବଂ ପେଟ୍ରୋଲ-ଡିଜେଲ ପରେ ପୁଣି ସାଧାରଣ ଜନତାଙ୍କୁ ମହଙ୍ଗା ମାଡ଼ । ମହଙ୍ଗା ହେଲା ସକାଳ ଜଳଖିଆ । ସ୍ବାଣ୍ଡୱିଚ, ବଡା ପାଓ୍ବ, ବ୍ରେଡ ପକୋଡା, ବ୍ରେଡ ଚପ୍, ବ୍ରେଡ ଆମଲେଟ୍ ଖାଇବାକୁ ଗ୍ରାହକଙ୍କୁ ଦେବାକୁ ପଡିବ ଅଧିକ ପଇସା । ବଢିଲା ବ୍ରେଡର ଦାମ୍ । ପ୍ରତି ବ୍ରେଡରେ ୫ ଟଙ୍କା ବଢଛି । ଅନେକ ବଡ଼ କମ୍ପାନୀ ୧୬ ମଇରୁ ବ୍ରେଡ୍ ନୂଆ ଦାମ୍ ଲାଗୁ ହୋଇଛି ।
ଖବର ମୁତାବକ, ବ୍ରେଡ ପ୍ୟାକେଜିଂ ପାଇଁ ବ୍ୟବହାର ହେଉଥିବା ପ୍ଲାଷ୍ଟିକ କଞ୍ଚାମାଲ ଅର୍ଥାତ୍ ପ୍ଲାଷ୍ଟିକ ପାଉଡର ଦାମ୍ ବଢିଛି । ଭାରତକୁ ପ୍ଲାଷ୍ଟିକ ପାଉଡର ଅର୍ନ୍ତରାଷ୍ଟ୍ରୀୟ ବଜାରରୁ ଆମଦାନୀ ହେଉଛି । ଆଉ ସେପଟେ ଭାରତୀୟ ମୂଲ୍ୟର ଦାମ୍ କମୁଥିବା ବେଳେ ତୈଳ ଦର ମହଙ୍ଗା ହେବା ଯୋଗୁଁ ଏହା ମଧ୍ୟ ବଢିଛି । ଟ୍ରାନ୍ସପୋର୍ଟ ଖର୍ଚ୍ଚ ବଢିବା ଏବଂ ବ୍ରେଡର ବ୍ୟବହାର ହେଉଥିବା ପ୍ରିଜରଭେଟିଭ୍ସ ମହଙ୍ଗା ହେବାରୁ ବ୍ରେଡ କମ୍ପାନୀର ମାଲିକ ମାନେ ଏହାର ଦାମ୍ ବଢାଇଛନ୍ତି ।
ଯେଉଁ ବ୍ରେଡ ଯେତିକି ଟଙ୍କାରେ ମିଳୁଥିଲା, ତାହା ପାଇଁ ଏବେ ଆଉ ଅଧିକ ୫ ଟଙ୍କା ଦେବାକୁ ହେବ । ମୁମ୍ବାଇରେ ସବୁଠାରୁ ଅଧିକ ବ୍ରେଡ ବିକ୍ରି ହୁଏ । ସାଧାରଣତଃ ଶ୍ରମିକ, ଅଫିସ କର୍ମଚାରୀ, ଛାତ୍ରମାନେ ବଡା ପାଓ୍ବ, ମିସଲ ପାୱ, ଭାଜି ପାଓ ଏବଂ ସାଣ୍ଡୱିଚ ଖାଉଥିଲେ । ଆଉ ଏପଟେ ବ୍ରେଡ ଦାମ୍ ବଢିଲେ, ଏସବୁ ପାଇଁ ଦାମ୍ ଆପଣାଛାଏଁ ବଢିବ ।
