ସଂଚାର ବ୍ୟୁରୋ: ବୟକଟ ତୁର୍କୀ ଡାକରାରେ ସାମିଲ ହୋଇଛନ୍ତି ପୋଷାକ ବିକ୍ରି ସଂସ୍ଥା ମିନ୍ତ୍ରା ଓ ରିଲାନ୍ସର ଆଜିଓ । ତୁର୍କୀ ଲେବଲ ଥିବା ପୋଷାକ ବିକ୍ରି ବନ୍ଦ କରିଦେଇଛନ୍ତି । ସାମ୍ପ୍ରତିକ ଭାରତ-ପାକିସ୍ତାନ ସାମରିକ ସଂଘର୍ଷ ସମୟରେ ପାକିସ୍ତାନକୁ ତୁର୍କୀର ସମର୍ଥନ ଉପରେ ବଢୁଥିବା ବୟକଟ ଆହ୍ୱାନ ପରେ ଦୁଇଟି ପ୍ରମୁଖ ଅନଲାଇନ୍ ଫ୍ୟାସନ୍ ମିନ୍ତ୍ରା ଏବଂ ଆଜିଓ ପ୍ଲାଟଫର୍ମ ତୁର୍କୀ ଉତ୍ପାଦଗୁଡ଼ିକୁ ହଟାଇ ଦେଇଛନ୍ତି । ସାମ୍ପ୍ରତିକ ଭାରତ-ପାକିସ୍ତାନ ସାମରିକ ସଂଘର୍ଷ ସମୟରେ ପାକିସ୍ତାନକୁ ତୁର୍କୀର ସମର୍ଥନ ଉପରେ ବୟକଟ ଆହ୍ୱାନ ବୃଦ୍ଧି ପାଇଛି । ଭାରତର ଅପରେସନ ସିନ୍ଦୁର ପରେ ତୁର୍କୀ ଏବଂ ଆଜରବାଇଜାନ ସାର୍ବଜନୀନ ଭାବରେ ପାକିସ୍ତାନକୁ ସମର୍ଥନ କରିବା ପରେ ଏହି ପଦକ୍ଷେପ ନିଆଯାଇଛି । ଫ୍ଲିପକାର୍ଟର ମାଲିକାନା ଥିବା ମିଣ୍ଟ୍ରାର ଭାରତରେ ମହିଳାଙ୍କ ପାଶ୍ଚାତ୍ୟ ପୋଷାକ ପାଇଁ ଜଣାଶୁଣା ତୁର୍କୀ ବ୍ରାଣ୍ଡ ଟ୍ରେଣ୍ଡିଓଲର ପୋଷାକ ବିକ୍ରୟ କରିବା ବନ୍ଦ କରିଦେଇଛି । ଗତ ସପ୍ତାହାନ୍ତରେ ମିଣ୍ଟ୍ରା ଚୁପଚାପ୍ ତାର ସାଇଟରୁ ତୁର୍କୀ ଉତ୍ପାଦଗୁଡ଼ିକୁ ହଟାଇବା ଆରମ୍ଭ କରିଥିଲା । ରିଲାଏନ୍ସର ମାଲିକାନା ଥିବା ଆଜିଓ ମଧ୍ୟ କୋଟନ୍, ଏଲ୍ସି ୱାଇକିକି ଏବଂ ମାଭି ଭଳି ତୁର୍କୀ ଫ୍ୟାସନ୍ ଲେବଲଗୁଡ଼ିକୁ ବିକ୍ରି କରିବା ବନ୍ଦ କରିଦେଇଛି। ଏହି ସମସ୍ତ ଉତ୍ପାଦଗୁଡ଼ିକୁ ଏବେ ପ୍ଲାଟଫର୍ମରେ ‘ଆଉଟ୍ ଅଫ୍ ଷ୍ଟକ୍’ ଭାବରେ ଚିହ୍ନିତ କରାଯାଇଛି।
