ସଂଚାର ବ୍ୟୁରୋ: ଆସନ୍ତା ୩୧ ତାରିଖରେ ଭୁବନେଶ୍ବର ମହାନଗର ନିଗମ ପାଳିବ ସ୍ବାୟତ୍ତ ଶାସନ ଦିବସ । ଏଥିପାଇଁ ଆଜି ବିଏମସିର ସାଧାରଣ ପରିଷଦ ବୈଠକ ଅନୁଷ୍ଠିତ ହୋଇଥିଲା । ମେୟର ସୁଲୋଚନା ଦାସଙ୍କ ଅଧକ୍ଷତାରେ ବସିଥିବା ବୈଠକରେ ସମସ୍ତ କୋର୍ପେରରେଟର, ବିଭିନ୍ନ ଜୋନର ଅରିରିକ୍ତ କମିଶନର, ଜେଡିସି ଓ ମୁଖ୍ଯ ଯନ୍ତ୍ରୀ ଯୋଗ ଦେଇଥିଲେ। ବୈଠକରେ ଡ୍ରେନ ମରାପତି ଓ ମୁକୁଳା ଡ୍ରେନରେ ସ୍ଳାବ ପଡ଼ିବା, ଡ୍ରେନରୁ ପଙ୍କ ଉଦ୍ଧାର, ସୌନ୍ଧର୍ଯ୍ଯକରଣ ଆଦି ଏକାଧିକ ପ୍ରସଙ୍ଗରେ ଆଲୋଚନା କରାଯାଇଥିଲା । ବିଏମସିର ରାଜସ୍ବା ଆଦାୟ ବୃଦ୍ଧି ଉପରେ ମଧ୍ଯ ଗୁରୁତ୍ବ ଦିଆଯାଇଛି । ଏକାଧିକ ୱାର୍ଡରେ ବିଭିନ୍ନ କାମ କାମ ଧିମେଇ ଯାଇଛି । ଆଣସ୍ବୀକୃତି ପ୍ରାପ୍ତ ଭେଣ୍ଡିଂ ଜୋନ, ଏକାଧିକ ମାର୍କେଟ ବିକ୍ରି ହୋଇ ପାରୁନି । ଫଳରେ ରାଜସ୍ବ ଆଦାୟ ହୋଇ ପାରୁନି ବୋଲି ମତପ୍ରକାଶ ପାଇଛି । ଏହାସହିତ ବେଆଇନ ଦୋକାନ ନିର୍ମାଣ ନହେବା ଉପରେ ମଧ୍ଯ ଆଲୋଚନା ହୋଇଛି । ପ୍ରତ୍ଯେକ ବର୍ଷ ଭଳି ଚଳିତ ବର୍ଷ ମଧ୍ଯ ଶ୍ବାୟତ ଶାସନ ଦିବସ ଧୁମଧାମରେ ପାଳିତ ହେବ। ପ୍ରତ୍ଯେକ ୱାର୍ଡରେ ହୋଇଥିବା ଏକାଧିକ ରାସ୍ତା ଓ ସୌନ୍ଧର୍ଯ୍ଯକରଣ କାମ ସେହିଦିନ ଉଦଘାଟନ ହେବ । ଅକ୍ଟୋବର ୩୦ ସୁଦ୍ଧା ଡ୍ରେନ ସଫା କାମ ସାରିବାକୁ ନିର୍ଦ୍ଦେଶ ଦିଆଯାଇଛି ବୋଲି ମେୟର କହିଛନ୍ତି।
