ଭୁବନେଶ୍ୱର: ସଂସଦରେ ପ୍ରତାପ ଷଡଙ୍ଗୀଙ୍କୁ ଠେଲା ପେଲା ଘଟଣାରେ ଭୁବନେଶ୍ୱରରେ ବିଜେପି ଯୁବମୋର୍ଚ୍ଚାର ପ୍ରତିବାଦ । ଭୁବନେଶ୍ୱର ମାଷ୍ଟର କ୍ୟାଣ୍ଟିନରେ ବିଜେପି ଯୁବମୋର୍ଚ୍ଚାର ପଦର୍ଶନ । ତେବେ ବିଜେପି ଯୁବମୋର୍ଚ୍ଚା ପକ୍ଷରୁ ଟାୟାର ଜାଳି ପ୍ରତିବାଦ କରିଥିବା ଦେଖିବାକୁ ମିଳିଛି । କଂଗ୍ରେସ ନେତା ରାହୁଲ ଗାନ୍ଧୀଙ୍କ କୁଶ ପୁତ୍ତଳିକା ଦାହ କରିଥିବା ଦେଖିବାକୁ ମିଳିଛି ।
ବିଜେପି ଯୁବ ମୋର୍ଚ୍ଚା ସଭାପତି ଅଭିଳାଷ ପଣ୍ଡା କହିଛନ୍ତି, ଓଡ଼ିଶା କଂଗ୍ରେସର ମୁଣ୍ଡ ନାହିଁ। ଓଡ଼ିଶା କଂଗ୍ରେସ ମୁଣ୍ଡ ନିର୍ଦ୍ଧାରଣ କରନ୍ତୁ। କଂଗ୍ରେସ ଆଜି ଯେଉଁଭଳି ଭାବେ ଦେଶର ଗଣତାନ୍ତ୍ରିକ ବ୍ୟବସ୍ଥାକୁ ଭାଙ୍ଗୁଛି, ବିଜେପି ଏହାକୁ ତୀବ୍ର ନିନ୍ଦା କରୁଛି। ଅନ୍ୟ କର୍ମୀମାନେ କହିଛନ୍ତି, ନିଜ ଚୌକିରେ ବସିବା ପାଇଁ ରାସ୍ତା ଥିଲା। ରାହୁଲ ଚାହିଁଥିଲେ ପ୍ରତାପ ଷଡ଼ଙ୍ଗୀଙ୍କୁ ଧକ୍କା ନମାରି ମଧ୍ୟ ନିଜ ସ୍ଥାନକୁ ଯାଇପାରିଥାନ୍ତେ। ଜଣେ ବୟସ୍କ ସାଂସଦଙ୍କୁ ଧକ୍କାମାରିବା ହୀନ ମାନସିକତାକୁ ଦର୍ଶାଉଛି।
