ସଂଚାର ବ୍ୟୁରୋ: ବଳଙ୍ଗା ପୀଡ଼ିତା ମୃତ୍ୟୁ ଘଟଣାକୁ ନେଇ ସରକାରଙ୍କ ଉପରେ ବର୍ଷିଲା ବିଜେଡି। ଘଟଣାକୁ ୧୫ ଦିନରୁ ଅଧିକ ସମୟ ବିତିଲା। କୌଣସି ଅଭିଯୁକ୍ତଙ୍କୁ ଧରିପାରିଲାନି ପୋଲିସ। କିନ୍ତୁ ବିଭିନ୍ନ ମୋଡ଼ ଦେଇ ଘଟଣାକୁ ମୋଡି ନେଲେ। ପୀଡ଼ିତାଙ୍କୁ ବାହାରକୁ ନେଲେ ଚିକିତ୍ସା ପାଇଁ। ଉପମୁଖ୍ୟମନ୍ତ୍ରୀ ବୟାନ ମଧ୍ୟ ଦେଲେ। ପୀଡ଼ିତାଙ୍କୁ ଭେଟି ଭଲ ଅଛନ୍ତି ବୋଲି କହିଥିଲେ। କିନ୍ତୁ ପୀଡିତାଙ୍କର ଯେଭଳି ମୃତ୍ୟୁ ହେଲା ତାହା ସାଧାରଣ ଲୋକଙ୍କ ମନରେ ଦ୍ବନ୍ଦ୍ୱ ସୃଷ୍ଟି କରୁଛି। ଅଭିଯୁକ୍ତଙ୍କୁ ଘଣ୍ଟ ଘୋଡାଇବା ପାଇଁ ଉଦ୍ୟମ ହୋଇଛି। ସରକାରୀ ଦଳର ଲୋକେ ସମ୍ପୃକ୍ତ ଅଛନ୍ତି ବୋଲି ସନ୍ଦେହ କରାଯାଉଛି। ଯେଉଁଥିପାଇଁ କାର୍ଯ୍ୟାନୁଷ୍ଠାନ ନିଆଯାଇ ନାହିଁ। ପୀଡିତାଙ୍କ ଏଭଳି ଅବସ୍ଥାରେ ଏକୁଟିଆ ବୟାନ କେମିତି ନେଲେ।
ସରକାରଙ୍କୁ ସୁହାଇବା ଭଳି ବୟାନ ନିଆଯାଇଥିଲା। ପୋଲିସ ପଦକ୍ଷେପ ନେଲା ନାହିଁ। ଚପଲ, କିରୋସିନ ବୋତଲ ମିଳିଲା କିନ୍ତୁ ଦୋଷୀ କୁଆଡେ ଗଲେ ବୋଲି ପ୍ରଶ୍ନ କରିଛି ଦଳ। ଓଡ଼ିଶାରେ ମହିଳା, ଝିଅ ଓ ଛାତ୍ରଛାତ୍ରୀଙ୍କ ଅବସ୍ଥା କଣ ଜଣାପଡୁଛି। କେହି ଏଠି ସୁରକ୍ଷିତ ନୁହଁନ୍ତି। ଗୋପାଳପୁର ଗଣଦୁଷ୍କର୍ମ ନେଇ ଆନ୍ତର୍ଜାତିକ ସ୍ତରରେ ଆଡ଼ଭାଇଜରି ଜାରି କଲେ ଓଡିଶା ସୁରକ୍ଷିତ ନୁହେଁ। ପରୋକ୍ଷରେ ଓଡିଶା ନ ଯିବାକୁ କହିଲା ଆମେରିକା। ଡବଲ ଇଞ୍ଜିନର ଦୁଇଟି ଇଞ୍ଜିନ ବିପରୀତ ଦିଗରେ ଗତି କରୁଛନ୍ତି। ବାପା ମା ମାନେ ଝିଅକୁ କଲେଜ ଛାଡିବାକୁ ଡରିଲେଣି।
ମହିଳାମାନେ ରାସ୍ତାକୁ ଓହ୍ଲାଇବାକୁ ଡରିଲେଣି। ବିଜେପି କର୍ମୀମାନେ ଯେଭଳି ହେଉଛନ୍ତି ସେମାନେ ଡ଼ରର ବାତାବରଣ ସୃଷ୍ଟି କରୁଛନ୍ତି। ଅନ୍ୟାୟ ଅତ୍ୟାଚାର ବଢୁଛି। କିନ୍ତୁ ମୁଖ୍ୟମନ୍ତ୍ରୀ ଶୁଣୁନାହାନ୍ତି। ଜିଲା ବ୍ଲକ ସ୍ତରରେ ଲଢେଇ ଜାରି ରଖିବ ବିଜେଡି। ଯିଏ ସୁଶାସନ ଦେବ ତାକୁ ଛାଡ଼ନ୍ତୁ ଶାସନ ଦାୟିତ୍ୱ। ମହିଳା ନିର୍ଯାତନା ପ୍ରସଙ୍ଗରେ ଉପଯୁକ୍ତ ଦଣ୍ଡ ମିଳୁ। ମହିଳାଙ୍କୁ ସୁରକ୍ଷା ଦିଅନ୍ତୁ ସରକାର। ପୀଡିତାଙ୍କ ମୃତ୍ୟୁର ୧୦ ମିନିଟ ପରେ ରାଜନୀତି କରନି ବୋଲି ପୋଲିସର ନିର୍ଦେଶ ଆସିଲା। କିନ୍ତୁ ଏହି ଦୁଃଖଦ ଘଟଣା ପାଇଁ ପୋଲିସ କରିଛି କଣ। ଓଲଟା ପୋଲିସ ଲୋକଙ୍କୁ ଧମକ ଦେବା କାର୍ଯ୍ୟ କରୁଛି।.
