ସଂଚାର ବ୍ୟୁରୋ: ବୌଦ୍ଧରେ ଶିକାର ରାଜଧାନୀରେ ଡିଲ୍। ଡିଲ ବେଳେ ମାଡ଼ି ବସିଲା ବନ ବିଭାଗ । ରାଜଧାନୀ ଉପକଣ୍ଠରୁ କଲରାପତରିଆ ବାଘ ଛାଲ ଜବତ ହୋଇଛି । ତମଣ୍ଡୋ କାଶିପୁର ମୌଜା ବଳିଆପଡା ଗାଁ ଖେଳ ପଡିଆ ନିକଟରୁ ବାଘ ଛାଲ ଜବତ ହୋଇଛି। ଘଟଣାରେ ୭ ଜଣ ଶିକାରୀଙ୍କୁ ଗିରଫ କରିଛି ନଗର ବନଖଣ୍ଡ। ଏଥିରେ ସାମିଲ ଅଛନ୍ତି ଜଣେ ଓଆଇଏସଏଫ ଯବାନ । ରାଜଧାନୀ ସାଜିଛି ଶିକାରୀଙ୍କ ଡିଲ ସ୍ଥଳ। ୨୮ ତାରିଖ ରେ ବନ ବିଭାଗର ଜଣେ କର୍ମଚାରୀ ସାଜିଥିଲେ ନକଲି ଗ୍ରାହକ । ୧୦ ଲକ୍ଷ ଟଙ୍କାରେ ହେଉଥିଲା ଡ଼ିଲ। ଗ୍ରାହକ ହୋଇ ଯାଇଥିଲେ ଶିକାରୀଙ୍କୁ ଧରିଥିଲା ବନ ବିଭାଗ। ୭ ଜଣ ଶିକାରୀଙ୍କ ସମେତ ୫ଟି ମୋବାଇଲ, ବାଘ ନିଶ, ବାଘ ଦାନ୍ତ ଓ ବାଘ ନଖ ଜବତ ହୋଇଛି।
