ସଂଚାର ବ୍ୟୁରୋ: ନୀଳାଦ୍ରି ବିହାର ପରେ ଏବେ ଖଣ୍ଡଗିରି ଅଞ୍ଚଳରେ ଝାଡ଼ାବାନ୍ତି ଆତଙ୍କ । ଖଣ୍ଡଗିରି ଠାରେ ଥିବା ଏକ ଘରୋଇ ଉଚ୍ଚମାଧ୍ୟମିକ ବିଦ୍ୟାଳୟର ୬ଜଣ ଛାତ୍ରୀ ଆଜି ଝାଡ଼ାବାନ୍ତିରେ ଆକ୍ରାନ୍ତ ହୋଇଛନ୍ତି । ହଷ୍ଟେଲରେ ରହୁଥିବା ଛାତ୍ରୀମାନେ ସକାଳୁ ଅସୁସ୍ଥ ହୋଇପଡ଼ିଥିଲେ । ବିଦ୍ୟାଳୟ କର୍ତ୍ତୃପକ୍ଷ ହଷ୍ଟେଲରେ ଅସୁସ୍ଥ ଛାତ୍ରୀମାନ ମାନଙ୍କୁ ଔଷଧ ଦେଇଥିଲେ । ମାତ୍ର ସେମାନଙ୍କ ମଧ୍ୟରୁ ୩ ଛାତ୍ରୀଙ୍କ ଅବସ୍ଥା ସଙ୍କଟାପନ୍ନ ହେବାରୁ ସେମାନଙ୍କୁ ବିଦ୍ୟାଳୟ କର୍ତ୍ତୃପକ୍ଷ ତୁରନ୍ତ କ୍ୟାପିଟାଲ୍ ହସ୍ପିଟାଲରେ ଭର୍ତ୍ତି କରିଥିଲେ । ପରେ ଆଉ ୩ଜଣ ଛାତ୍ରୀ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ସନ୍ଧ୍ୟା ସୁଦ୍ଧା ସମସ୍ତ ଛାତ୍ରୀ ହସ୍ପିଟାଲରୁ ଡିସ୍ଚାର୍ଜ କରାଯାଇଥିବା ସୂଚନା ମିଳିଛି । ଆସନ୍ତାକାଲି ଏକ ଡାକ୍ତରୀ ଟିମ୍ ସମ୍ପୃକ୍ତ ବିଦ୍ୟାଳୟ ହଷ୍ଟେଲ୍କୁ ଯିବା ସହ ସେଠାକାର ଛାତ୍ରୀମାନଙ୍କ ଖାଦ୍ୟ ଓ ଜଳ ନମୁନା ସଂଗ୍ରହ କରି ପରୀକ୍ଷା କରିବେ ବୋଲି ଜଣାପଡ଼ିଛି ।
