ଷଣ୍ଢ ଆକ୍ରମଣରେ ଚାଲିଗଲା ଜଣକର ଜୀବନ। ଏହା ପରେ ଲୋକେ ତାତିଛନ୍ତି। ରାସ୍ତାରୋକ କରିଛନ୍ତି। ଏହି ଘଟଣା ହେଉଛି ଭୁବନେଶ୍ଵର ମଞ୍ଚେଶ୍ଵର ଥାନା ଇଂଜଣା ଓ ବରିମୁଣ୍ଡ ଅଞ୍ଚଳର। ବୁଲା ଷଣ୍ଢର ଦୌରାତ୍ମରେ ଲୋକେ ଅତିଷ୍ଠ। ବୁଲା ଗାଈଗୋରୁ ଓ କୁକୁରଙ୍କ ଯୋଗୁଁ ପ୍ରତିଦିନ ଛୋଟ ମୋଟ ଅଘଟଣ ଘଟୁଛି। ଗତ ସପ୍ତାହରେ ୫ ଜଣ ଆହତ ହୋଇଥିଲେ । ଗତକାଲି ରାତିରେ ଆଉ ଜଣକୁ ଷଣ୍ଢ ଆକ୍ରମଣ କରିଥିଲା। ଆଜି ସକାଳୁ ତାଙ୍କର ମୃତ୍ୟୁ ହେବା ପରେ ଲୋକଙ୍କ ମଧ୍ୟରେ ତୀବ୍ର ଅସନ୍ତୋଷ ଦେଖାଦେଇଛି । ଲୋକଙ୍କ ସହିବାର ସୀମା ଟପିଛି । ସ୍ଥାୟୀ ପ୍ରତିକାର ଦାବିରେ ରାସ୍ତାରେ ଧାରଣା ଦେଇଥିଲେ ସ୍ଥାନୀୟ ଲୋକେ । ପ୍ରଶାସନ ପକ୍ଷରୁ ସମାଧାନ ପ୍ରତିଶୃତି ପରେ ଧାରଣା ପ୍ରତ୍ୟାହୃତ ହୋଇଛି ।
