ଭକ୍ତ ଚରଣ ଦାସ ହେଲେ PCC ସଭାପତି । AICC ଙ୍କ ଅନୁମୋଦନ କ୍ରମେ ଭକ୍ତ ଚରଣ ଦାସ ହେଲେ ଓଡ଼ିଶା PCC ସଭାପତି । ଓଡ଼ିଶା ପିସିସି ସଭାପତି ନିଯୁକ୍ତି ନେଇ ଏଆଇସିସି ପକ୍ଷରୁ ବିଜ୍ଞପ୍ତି ପ୍ରକାଶ ପାଇଛି। ଭକ୍ତଚରଣ ଦାସଙ୍କୁ ନିଯୁକ୍ତି ଦେଇଛନ୍ତି ଏଆଇସିସି ଅଧ୍ୟକ୍ଷ ମଲ୍ଲିକାର୍ଜୁନ ଖଡଗେ । ତାଙ୍କ ନାମ PCC ଅଧ୍ୟକ୍ଷ ଘୋଷଣା ପରେ ଭକ୍ର ଚରଣ ଦାସ ପ୍ରତିକ୍ରିୟା ଦେଇଛନ୍ତି । AICC ଅଧ୍ୟାକ୍ଷ ରାହୁଲ ଗାନ୍ଧୀ, ସୋନିଆ ଗାନ୍ଧିଙ୍କୁ ଧନ୍ୟବାଦ୍ ଦେଇଛନ୍ତି । କଙ୍ଗ୍ରେସକୁ ଆଗକୁ ନେବୁ। ସମସ୍ତଙ୍କୁ ନେଇ ଆଗକୁ ଯିବୁ । ତରୁଣ ଓ ବରିଷ୍ଠ ସମସ୍ତଙ୍କୁ ନେଇ କାମ କରିବି । ଗାଁ ଗାଁ ବୁଲି ଭୋଟରଙ୍କ ପାଖକୁ ଯିବୁ । କଂଗ୍ରେସକୁ ଆନ୍ଦୋଳନ ଜରିଆରେ ଘରେ ଘରେ ପହଂଚାଇବୁ । ମା’ ମାନଙ୍କ ଆଶୀର୍ବାଦ ରହିଛି । ଗାନ୍ଧୀ ପରିବାର ମୋତେ ପୂର୍ବରୁ ବହୁ ଦାଇତ୍ୱ ଦେଇଛନ୍ତି । ତାହା ମୁ ନିର୍ବାହ କରି ଆସ୍ଥା ଭାଜନ ହୋଇଛି ବୋଲି କହିଛନ୍ତି PCC ସଭାପତି ଭକ୍ତ ଚରଣ ଦାସ ।
କଂଗ୍ରେସର ବରିଷ୍ଠ ନେତା ଭକ୍ତଚରଣ ଦାସ କଳାହାଣ୍ଡି ଲୋକସଭା ଆସନରୁ ୩ଥର ନିର୍ବାଚିତ ହୋଇଛନ୍ତି। ୧୯୮୯ରୁ ୧୯୯୧, ୧୯୯୬ରୁ ୧୯୯୮ ଓ ୨୦୦୯ରୁ ୨୦୧୪ ପର୍ଯ୍ୟନ୍ତ ସାଂସଦ ଭାବେ ନିର୍ବାଚିତ ହୋଇଥିଲେ। ପୂର୍ବରୁ ଭବାନୀପାଟଣା ବିଧାନସଭା ଆସନରୁ ବିଧାୟକ ଭାବେ ମଧ୍ୟ ନିର୍ବାଚିତ ହୋଇଥିଲେ। କେନ୍ଦ୍ରରେ ରେଳମନ୍ତ୍ରୀ ଭାବେ ସେ ଦାୟିତ୍ୱ ତୁଲାଇଛନ୍ତି। ଏଆଇସିସିର ସାଧାରଣ ସଂପାଦକ ଓ ବିଭିନ୍ନ ରାଜ୍ୟର ପ୍ରଭାରୀ ଭାବେ ସେ ଦାୟିତ୍ବ ତୁଲାଇଛନ୍ତି। ୨୦୨୧ରେ ବିହାରର ପ୍ରଭାରୀ ଥିବା ସମୟରେ ଆରଜେଡି ଓ କଂଗ୍ରେସ ମଧ୍ୟରେ ମେଣ୍ଟ ହୋଇଥିଲା। ୨୦୨୪ ସାଧାରଣ ନିର୍ବାଚନରେ କଂଗ୍ରେସର ନୈରାଶ୍ୟଜନକ ପ୍ରଦର୍ଶନ ପରେ ରାଜ୍ୟ କଂଗ୍ରେସ କମିଟିକୁ ଭାଙ୍ଗିଦେଇଥିଲେ ଏଆଇସିସି। ପ୍ରାୟ ୧୦ମାସ ପରେ ରାଜ୍ୟକୁ ନୂଆ ପିସିସି ସଭାପତି ମିଳିଛି।
