ସଂଚାର ବ୍ୟୁରୋ: ବ୍ରାଉନସୁଗାର ବେପାରକୁ ବିରୋଧ କରିବାରୁ ଖଣ୍ଡା ଛୁରୀରେ ଆକ୍ରମଣ । ଆକ୍ରମଣରେ ମାମୁଁ ଭଣଜା ଗୁରୁତର । ଏଭଳି ଘଟଣା ଘଟିଛି ଭଦ୍ରକ ଟାଉନ ଥାନା ଅନ୍ତର୍ଗତ ଚରମ୍ପା ବରାଳପୋଖରୀରେ । ଗ୍ରାମର ମାଧବ କାହାଳିଆ ଘରେ ଥିବା ବେଳେ ଗ୍ରାମର ଅନ୍ୟ ଏକ ପରିବାରର ୭ ରୁ ୮ ଜଣ ସଦସ୍ୟ ହଠାତ ହାତରେ ଖଣ୍ଡା ଓ ମାରଣାସ୍ତ୍ର ଧରି ଘର ଭିତରକୁ ପଶିବା ସହିତ ଅତର୍କିତ ଆକ୍ରମଣ କରିଥିଲେ । ଏଥିରେ ମାଧବଙ୍କ ସହିତ ତାଙ୍କ ଭଣଜା ନିର୍ମଳ ନାୟକ ଗୁରୁତର ହୋଇଛନ୍ତି । ଉଭୟଙ୍କୁ ଭଦ୍ରକ ମେଡ଼ିକାଲରେ ଭର୍ତ୍ତି କରାଯାଇଛି । ଆକ୍ରମାଣକାରୀଙ୍କ ପରିବାର ବ୍ରାଉନସୁଗାର ବେପାର କରୁଥିବା ଓ ସେମାନଙ୍କୁ ବାରମ୍ବାର ବିରୋଧ କରୁଥିବାରୁ ଆକ୍ରମଣ କରିଥିବା କହିଛନ୍ତି ନିର୍ମଳ । ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିବା ସହ ୨ ଜଣଙ୍କୁ ଅଟକ ରଖିଛି ପୋଲିସ ।.
