ସଂଚାର ବ୍ୟୁରୋ: ରାଜନୀତି କରିବାକୁ ସାରଙ୍କ ପ୍ରବଳ ଆଗ୍ରହ । ଅନୁଷ୍ଠିତ ହୋଇଥିବା କାର୍ଯ୍ୟକ୍ରମରେ କଲେ ଯୋଗଦାନ । ପ୍ରବାସୀ ଓଡ଼ିଆଙ୍କ ଭତ୍ତା ଏବଂ ରାସନ କାର୍ଡ ବଣ୍ଟନ କାର୍ଯ୍ୟକ୍ରମରେ ଯୋଗ ଦେଲେ ଶିକ୍ଷକ । ଗଞ୍ଜମ ଜିଲ୍ଲା ବେଗୁନିଆପଡ଼ାରୁ ସାମନାକୁ ଆସିଛି ଏଭଳି ଖବର । କେବଳ ଯୋଗ ଦେଇ ନାହାନ୍ତି ବରଂ ଛିଡ଼ା ହୋଇ ଫଟୋ ନେବାରେ ମଧ୍ୟ ଶିକ୍ଷକଙ୍କ ବଡ଼ ସରାଗ ରହିଛି ବୋଲି କୁହାଯାଇଛି । ଏବେ ଶିକ୍ଷକଙ୍କ ଏହି ଫଟୋ ସୋସିଆଲ ମିଡିଆରେ ବେଶ ଭାଇରାଲ ହେବାରେ ଲାଗିଛି । ଯାହାକୁ ନେଇ ଏବେ ସ୍ଥାନୀୟ ଅଞ୍ଚଳରେ ବେଶ ଚର୍ଚ୍ଚା ହେଉଛି ।
କହି ରଖୁଛୁ କି, ଭାଇରାଲ୍ ହେଉଥିବା ଫଟୋ ଗତ ନଭେମ୍ବର ୩୦ ତାରିଖର ବୋଲି ଜଣାପଡ଼ିଛି । ଶିକ୍ଷକ ଜଣଙ୍କ ହେଉଛନ୍ତି ଗଞ୍ଜାମ ଜିଲ୍ଲା ବେଗୁନିଆପଡ଼ା ବ୍ଲକ ବୁରୁଝରୀ ପଞ୍ଚାୟତ ବଲ୍ଲଭ ନାୟକ ଉଚ୍ଚ ବିଦ୍ୟାଳୟର ଶିକ୍ଷକ ଭାଗବତ ମହାନ୍ତି । ସେ ଜଣେ ଶିକ୍ଷକ ହୋଇ ଭତ୍ତା ଓ ରାସନ୍ କାର୍ଡ ବଣ୍ଟନ କାର୍ଯ୍ୟକ୍ରମରେ ଯୋଗ ଦେଇ ଫଟୋ ଉଠାଇଛନ୍ତି। ଯାହା ଏବେ ବେଶ ଭଇରାଲ ହେବାରେ ଲାଗିଛି । ଯାହାକୁ ନେଇ ଜନସାଧାରଣରେ ଅନେକ ପ୍ରଶ୍ନ ଉଠିଛି । ଜଣେ ଶିକ୍ଷକ କିପରି ଭତ୍ତା ଓ ରାସନ୍ କାର୍ଡ ବଣ୍ଟନ କାର୍ଯ୍ୟକ୍ରମରେ ଯୋଗ ଦେଲେ ? ତାଙ୍କୁ କିଏ ନିମନ୍ତ୍ରଣ କରିଥିଲେ ନା ସେ ନିଜେ ଯାଇ କାର୍ଯ୍ୟକ୍ରମରେ ଯୋଗ ଦେଇଛନ୍ତି ?
ଯଦି ନିୟମ ଉଲ୍ଲଘଂନ କରିଛନ୍ତି ତାହା ହେଲେ ଏପର୍ଯ୍ୟନ୍ତ କାହିଁକି କାର୍ଯ୍ୟାନୁଷ୍ଠାନ ହୋଇନି ? ଶିକ୍ଷକ ଭାଗବତ ମହାନ୍ତିଙ୍କ ପତ୍ନୀ ବୁରୁଝରୀ ପଞ୍ଚାୟତର ସମିତିସଭ୍ୟ ଅଛନ୍ତି । କୁହାଯାଉଛି, ଜଣେ ସମିତିସଭ୍ୟଙ୍କ ସ୍ବାମୀ ଭାବେ ନିଜର ରାଜନୈତିକ ପତିଆରା ଜାହିର କରିବା ପାଇଁ ଏଭଳି କରିଛନ୍ତି ଭାଗବତ ? ଏମିତି ଅନେକ ପ୍ରଶ୍ନ ଅଞ୍ଚାଳବସୀଙ୍କ ମନରେ ଉଠିଛି । ଜଣେ ଶିକ୍ଷକଙ୍କ ଏପରି ମନମୁଖୀ କାମକୁ ନିନ୍ଦା କରାଯିବା ସହ ଦୃଢ଼ କାର୍ଯ୍ୟାନୁଷ୍ଠାନ ନେଇ ନିଲମ୍ବନ କରିବା ପାଇଁ ସାଧାରଣରେ ଦାବି ହେଉଛି ।
